ವಿಶ್ವದ ಅತ್ಯುತ್ತಮ ಭಕ್ಷ್ಯಗಳ ಪಟ್ಟಿಯಲ್ಲಿ ಭಾರತಕ್ಕೆ 5ನೇ ರ್‍ಯಾಂಕ್‌!

•   Mon, Dec 26 2022 02:13:17 PM



• ನವದೆಹಲಿ, ಡಿ 26 (DaijiwordNews/HR): 2022ರ ಅತ್ಯುತ್ತಮ ಭಕ್ಷ್ಯಗಳ ಜಾಗತಿಕ ಪಟ್ಟಿಯಲ್ಲಿ ಭಾರತ 5ನೇ ಸ್ಥಾನ ಪಡೆದುಕೊಂಡಿದ್ದು, ಬಲ್ಗೇರಿಯಾದ ಟೇಸ್ಟ್‌ ಅಟ್ಲಾಸ್‌ ಸಂಸ್ಥೆ ನಡೆಸಿದ ಸಮೀಕ್ಷೆಯ ಅನ್ವಯ ಈ ರ್‍ಯಾಂಕಿಂಗ್‌ ಬಿಡುಗಡೆ ಮಾಡಲಾಗಿದೆ.

  ಬೆಂಗಳೂರಿನ ಕರಾವಳಿ, ಮುಂಬೈನ ಶ್ರೀ ಥೇಕರ್‌ ಭೋಜನಾಲಯ, ನವದೆಹಲಿಯ ಬುಖಾರಾ ಮತ್ತು ದಮ್‌ ಪಖ್ತ್, ಗುರುಗ್ರಾಮದ ಕಮೋರಿನ್‌ ಮತ್ತು ಇತರೆ 450 ರೆಸ್ಟಾರೆಂಟ್‌ಗಳನ್ನು ಭಾರತದಲ್ಲಿ ರುಚಿ ರುಚಿಯಾದ ಭೋಜನ ಲಭ್ಯವಿರುವಂಥ ಅತ್ಯುತ್ತಮ ರೆಸ್ಟಾರೆಂಟ್‌ಗಳು ಎಂದು ಹೆಸರಿಸಲಾಗಿದೆ.

  ಇನ್ನು ಅತ್ಯುತ್ತಮ ಭಕ್ಷ್ಯಗಳ ಪಟ್ಟಿಯಲ್ಲಿ ಇಟಲಿಯ ಭಕ್ಷ್ಯಗಳು ಮೊದಲ ಸ್ಥಾನ ಗಿಟ್ಟಿಸಿಕೊಂಡಿದ್ದು, ಗ್ರೀಸ್‌ ಮತ್ತು ಸ್ಪೇನ್‌ 2ನೇ ಮತ್ತು 3ನೇ ಸ್ಥಾನ ಪಡೆದಿವೆ.

  ಭಾರತಕ್ಕೆ 4.54 ಅಂಕಗಳು ದೊರೆತಿದ್ದು, ಗರಂ ಮಸಾಲ, ಮಲಾಯ್‌, ತುಪ್ಪ, ಬಟರ್‌ ಗಾರ್ಲಿಕ್‌ ನಾನ್‌, ಕೀಮಾಗಳು ಅತಿ ಹೆಚ್ಚು ಅಂಕಗಳನ್ನು ಪಡೆದಿವೆ.