ಜಮ್ಮು:ಬಸ್ ನಿಲ್ದಾಣದಲ್ಲಿ ಗ್ರೆನೇಡ್ ಸ್ಪೋಟ- 26 ಮಂದಿಗೆ ಗಾಯ

•   Thu, Mar 07 2019 02:37:27 PM



• ಜಮ್ಮು, ಮಾ 07 (MSP): ಜಮ್ಮುವಿನಲ್ಲಿ ಮಾ 07ರ ಗುರುವಾರದಂದು ಗ್ರೆನೇಡ್ ಸ್ಫೋಟ ಸಂಭವಿಸಿ ಇಪ್ಪತ್ತಾರು ಮಂದಿ ಗಾಯಗೊಂಡಿದ್ದಾರೆ.

  

  ಜಮ್ಮು ಬಸ್ ನಿಲ್ದಾಣದಲ್ಲಿ ಗ್ರೆನೇಡ್ ಸ್ಪೋಟ ಸಂಭವಿಸಿದ್ದು ಪ್ರಯಾಣಿಕರನ್ನು ಗುರಿಯಾಗಿಸಿ ಬಾಂಬ್ ದಾಳಿ ನಡೆಸಲಾಗಿದ್ದು , ಘಟನೆಯಿಂದ ಬಸ್ ನ ಗ್ಲಾಸ್ ಗಳು ಚೆಲ್ಲಾಪಿಲ್ಲಿಯಾಗಿದೆ. ಹದಿನೆಂಟು ಮಂದಿ ಗಾಯಾಳುಗಳನ್ನು ಆಸ್ಪತ್ರೆಗೆ ಸೇರಿಸಲಾಗಿದೆ ಎಂದು ಜಮ್ಮು ಐಜಿಪಿ ಎಂ.ಕೆ ಸಿನ್ಹಾ ತಿಳಿಸಿದ್ದಾರೆ.

  ಘಟನಾ ಸ್ಥಳವನ್ನು ಸುತ್ತುವರಿದಿರುವ ಜಮ್ಮು ಪೊಲೀಸರು ಹಾಗೂ ಭದ್ರತಾಪಡೆ ಪರಿಶೀಲನೆ ಆರಂಭಿಸಿದ್ದಾರೆ.

  ಜಮ್ಮುವಿನಾದ್ಯಂತ ಬಸ್ ಸಂಚಾರವನ್ನು ಸಂಪೂರ್ಣ ಬಂದ್ ಮಾಡಲಾಗಿದೆ.