ನವದೆಹಲಿ, ಡಿ 24 (DaijiworldNews/DB): ರಾಹುಲ್ ಗಾಂಧಿ ನೇತೃತ್ವದ ಭಾರತ್ ಜೋಡೋ ಯಾತ್ರೆ ಶನಿವಾರ ದೆಹಲಿ ತಲುಪಿದ್ದು, ಈ ವೇಳೆ ಪಕ್ಷದ ಮಾಜಿ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರು ಪುತ್ರ ಹಾಗೂ ಪುತ್ರಿಯೊಂದಿಗೆ ಹೆಜ್ಜೆ ಹಾಕಿದರು.
ಪುತ್ರ ರಾಹುಲ್ ಗಾಂಧಿ ಹಾಗೂ ಪುತ್ರಿ ಪ್ರಿಯಾಂಕಾ ಗಾಂಧಿ ವಾದ್ರಾ ಅವರೊಂದಿಗೆ ಸ್ವಲ್ಪ ದೂರ ತನಕ ಸೋನಿಯಾ ಯಾತ್ರೆಯಲ್ಲಿ ನಡೆದರು. ಕೋವಿಡ್ ನಿಯಮಾನುಸಾರ ಅವರು ಮಾಸ್ಕ್ ಧರಿಸಿಯೇ ಯಾತ್ರೆಯಲ್ಲಿ ಪಾಲ್ಗೊಂಡರು. ಬಳಿಕ ಆಶ್ರಮ ಚೌಕ್ಗೆ ತಲುಪಿದ ಯಾತ್ರೆ ಬೆಳಗಿನ ವಿರಾಮ ಪಡೆಯಿತು.
ಕಳೆದ ಸೆಪ್ಟಂಬರ್ನಲ್ಲಿ ಕನ್ಯಾಕುಮಾರಿಯಿಂದ ಯಾತ್ರೆ ಆರಂಭವಾಗಿದ್ದು, ಈವರೆಗೆ ಸೋನಿಯಾ ಗಾಂಧಿಯವರು ಎರಡು ಬಾರಿ ಯಾತ್ರೆಯಲ್ಲಿ ಭಾಗಿಯಾಗಿದ್ದರು. ಅಕ್ಟೋಬರ್ನಲ್ಲಿ ಕರ್ನಾಟಕದಲ್ಲಿ ಯಾತ್ರೆ ನಡೆಯುತ್ತಿದ್ದ ವೇಳೆಯೂ ಸೋನಿಯಾ ಯಾತ್ರೆಯಲ್ಲಿ ಪಾಲ್ಗೊಂಡಿದ್ದರು.