ನವದೆಹಲಿ, ಡಿ 23 (DaijiworldNews/HR): 104 ಯೂಟ್ಯೂಬ್ ಚಾನೆಲ್ಗಳು, 45 ವೀಡಿಯೋಗಳು, 4 ಫೇಸ್ಬುಕ್ ಖಾತೆಗಳು, ಮೂರು ಇನ್ಸ್ಟಾಗ್ರಾಮ್ ಖಾತೆಗಳು, ಐದು ಟ್ವಿಟ್ಟರ್ ಹ್ಯಾಂಡಲ್ಗಳು ಮತ್ತು ಆರು ವೆಬ್ಸೈಟ್ಗಳನ್ನು ತಪ್ಪು ಮಾಹಿತಿಯನ್ನು ಹರಡಿದ್ದಕ್ಕಾಗಿ ಮತ್ತು ರಾಷ್ಟ್ರೀಯ ಭದ್ರತೆಗೆ ಬೆದರಿಕೆ ಒಡ್ಡಿದ್ದಕ್ಕಾಗಿ ನಿರ್ಬಂಧಿಸಲಾಗಿದೆ ಎಂದು ಕೇಂದ್ರ ಸಚಿವ ಅನುರಾಗ್ ಠಾಕೂರ್ ಗುರುವಾರ ಹೇಳಿದ್ದಾರೆ.
ರಾಜ್ಯಸಭೆಯಲ್ಲಿ ಪ್ರಶ್ನೆಗಳಿಗೆ ಪ್ರತಿಕ್ರಿಯಿಸಿದ ಅನುರಾಗ್ ಠಾಕೂರ್, ಮಾಹಿತಿ ತಂತ್ರಜ್ಞಾನ ಕಾಯ್ದೆಯ ಸೆಕ್ಷನ್ 69ಎ ಅಡಿಯಲ್ಲಿ, ಭಾರತದ ಸಾರ್ವಭೌಮತ್ವ ಅಥವಾ ಸಮಗ್ರತೆ, ಭಾರತದ ರಕ್ಷಣೆ, ರಾಜ್ಯದ ಭದ್ರತೆ, ವಿದೇಶಗಳೊಂದಿಗಿನ ಸ್ನೇಹಪರ ಸಂಬಂಧಗಳ ಹಿತದೃಷ್ಟಿಯಿಂದ ಡಿಜಿಟಲ್ ಮಾಧ್ಯಮದ ವಿಷಯವನ್ನ ನಿರ್ಬಂಧಿಸಲಾಗಿದೆ ಎಂದರು.
ಇನ್ನು ಐಟಿ ನಿಯಮಗಳ ಭಾಗ -2ರ ನಿಬಂಧನೆಗಳ ಅಡಿಯಲ್ಲಿ, ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯ 2021ರಿಂದ ಅಕ್ಟೋಬರ್ 2022 ರವರೆಗೆ ಸಾಮಾಜಿಕ ಮಾಧ್ಯಮ ಪ್ಲಾಟ್ಫಾಮ್ಗಳಲ್ಲಿ ವೆಬ್ ಪೇಜ್ ಗಳು ವೆಬ್ಸೈಟ್ಗಳು, ಪೋಸ್ಟ್'ಗಳು ಮತ್ತು ಖಾತೆಗಳು ಸೇರಿದಂತೆ 1,643 ಬಳಕೆದಾರ-ರಚಿಸಿದ ಯುಆರ್ಎಲ್ಗಳನ್ನ ನಿರ್ಬಂಧಿಸಲು ಸೂಚನೆಗಳನ್ನ ನೀಡಿದೆ ಎಂದು ಹೇಳಿದ್ದಾರೆ.