ನವದೆಹಲಿ, ಡಿ 22 (daijiworldNews/HR): ಇತ್ತೀಚೆಗೆ ಪ್ರಧಾನಿ ನರೇಂದ್ರ ಮೋದಿ ಅವರು ಮೇಘಾಲಯಕ್ಕೆ ಭೇಟಿ ನೀಡಿದಾಗ ಖಾಸಿ ಸಮುದಾಯದ ಸಾಂಪ್ರದಾಯಿಕ ಉಡುಗೆ ತೊಟ್ಟಿದ್ದು, ಮಾಜಿ ಕ್ರಿಕೆಟಿಗ ಮತ್ತು ಟಿಎಂಸಿ ನಾಯಕ ಕೀರ್ತಿ ಆಜಾದ್ ಇದನ್ನ ವ್ಯಂಗ್ಯ ಮಾಡಿ ಮಹಿಳೆಯರ ವಸ್ತ್ರವೆಂದು ಬಣ್ಣಿಸಿದ್ದಾರೆ.
ಕೀರ್ತಿ ಆಜಾದ್ ಅವರ ಈ ಹೇಳಿಕೆ ಮೇಘಾಲಯದ ಜನರಿಗೆ ಮಾಡಿದ ಅವಮಾನ ಮತ್ತು ಬುಡಕಟ್ಟು ಜನರ ಉಡುಗೆ ತೊಡುಗೆ ಬಗ್ಗೆ ಗೇಲಿ ಮಾಡುತ್ತಿದ್ದಾರೆ ಎಂದು ಅಸ್ಸಾಂ ಸಿಎಂ ಹಿಮಂತ ಬಿಸ್ವಾ ಶರ್ಮಾ ಕಿಡಿಕಾರಿದ್ದಾರೆ.
ಇನ್ನು ಕೀರ್ತಿ ಆಜಾದ್ ವಿರುದ್ಧ ದೂರು ದಾಖಲಿಸುವುದಾಗಿ ಬಿಜೆಪಿ ಅಜಾ ಮೋರ್ಚಾ ಹೇಳಿದೆ.
ಕೀರ್ತಿ ಆಜಾದ್ ಅವರು ಶಿಲ್ಲಾಂಗ್ಗೆ ಭೇಟಿ ನೀಡಿದ ಪ್ರಧಾನಿ ಮೋದಿ ಅವರ ಚಿತ್ರದೊಂದಿಗೆ ಟ್ವೀಟ್ ಮಾಡಿದ್ದು, 'ಗಂಡು ಅಥವಾ ಹೆಣ್ಣು ಅಲ್ಲ, ಫ್ಯಾಷನ್'ನ ಪುರೋಹಿತ' ಎಂದು ಟ್ವೀಟ್ ಮಾಡಿದ್ದಾರೆ.