ನ್ಯಾನೋ ಕಾರನ್ನು ಹೆಲಿಕಾಪ್ಟರ್‌ನ ಪ್ರತಿರೂಪವಾನ್ನಾಗಿಸಿದ ಬಡಗಿ!

•   Thu, Dec 22 2022 11:35:43 AM



• ಉತ್ತರ ಪ್ರದೇಶ, ಡಿ 22 (daijiworldNews/HR): ಭಾರತೀಯರು ತಮ್ಮ ಜಾಣ್ಮೆ ಮತ್ತು ಸಂಪನ್ಮೂಲಕ್ಕಾಗಿ ಪ್ರಪಂಚದಾದ್ಯಂತ ಹೆಸರುವಾಸಿಯಾದ್ದು, ಇದೀಗ ಉತ್ತರಪ್ರದೇಶದ ಅಜಂಗಢ್‌ನ ಸಂಶೋಧಕರೊಬ್ಬರು ತಮ್ಮ ಜಾಣ್ಮೆಯಿಂದ ಟಾಟಾ ನ್ಯಾನೋ ಕಾರನ್ನು ಹಾರುವ ಯಂತ್ರವನ್ನಾಗಿ ಪರಿವರ್ತಿಸಿದ್ದಾರೆ.

  ವೃತ್ತಿಯಲ್ಲಿ ಬಡಗಿಯಾಗಿರುವ ಈ ವ್ಯಕ್ತಿ ತನ್ನ ನ್ಯಾನೋ ಕಾರನ್ನು ಹೆಲಿಕಾಪ್ಟರ್‌ನ ಪ್ರತಿರೂಪವಾಗಿ ಪರಿವರ್ತಿಸಲು 3 ಲಕ್ಷಕ್ಕೂ ಹೆಚ್ಚು ಖರ್ಚು ಮಾಡಿದ್ದಾರೆ. ಅವರ ಕನಸಿನ ಕಾರ್-ಕಮ್-ಹೆಲಿಕಾಪ್ಟರ್ ಅನ್ನು ನಿರ್ಮಿಸಲು ಅವರು ನಾಲ್ಕು ತಿಂಗಳು ತೆಗೆದುಕೊಂಡಿದೆ.

  ಈ ಕುರಿತು ಮಾತನಾಡಿದ ಸಲ್ಮಾನ್, "ನನ್ನ ಗ್ರಾಮ ಮತ್ತು ಜಿಲ್ಲೆಯನ್ನು ಜನಪ್ರಿಯಗೊಳಿಸಲು ನಾನು ಇದನ್ನು ಮಾಡಿದ್ದೇನೆ. ಭವಿಷ್ಯದಲ್ಲಿ ನೀರು, ಭೂಮಿ ಮತ್ತು ಗಾಳಿಯಲ್ಲಿ ಚಲಿಸಬಲ್ಲ ಹೆಲಿಕಾಪ್ಟರ್ ಅನ್ನು ತಯಾರಿಸುವುದು ನನ್ನ ಕನಸು ಎಂದಿದ್ದಾರೆ.

  ಸಲ್ಮಾನ್ ತನ್ನ ಟಾಟಾ ನ್ಯಾನೋವನ್ನು ಹೆಲಿಕಾಪ್ಟರ್ ಆಗಿ ಪರಿವರ್ತಿಸಲು ಬಯಸಿದ್ದು, ಏರೋಪ್ಲೇನ್‌ನಲ್ಲಿ ಹಾರಲು ಸಾಧ್ಯವಾಗದ ತನ್ನ ಹಳ್ಳಿಗರಿಗೆ ಹಾರುವ ಅನುಭವವನ್ನು ಒದಗಿಸುವ ಸಲುವಾಗಿ ರಸ್ತೆಗಳಲ್ಲಿ ಓಡುವ ಹೆಲಿಕಾಪ್ಟರ್ ಮಾಡಿದ್ದೇನೆ ಎಂದು ಹೇಳಿದ್ದಾರೆ.

  ಸಲ್ಮಾನ್ ಅವರ ಕಾರ್ ಕಮ್ ಹೆಲಿಕಾಪ್ಟರ್ ಟ್ವಿಟ್ಟರ್ ನಲ್ಲಿ ವೈರಲ್ ಆಗಿದ್ದು, ಅನೇಕ ಟ್ವಿಟ್ಟರ್ ಬಳಕೆದಾರರು ಅವರ ಜಾಣ್ಮೆಯನ್ನು ಪ್ರಶಂಸಿದ್ದಾರೆ.