ನವದೆಹಲಿ, ಡಿ 21 ( DaijiworldNews/MS) : ತಮ್ಮ ಆಸೆ - ಅಭಿಲಾಷೆಗಳನ್ನು ಈಡೇರಿಸಿಕೊಳ್ಳಲು ಎಲ್ಲರಿಗೂ ಉಳಿತಾಯ ಮಾಡಿ ಇಟ್ಟ ಹಣ ಇರೋದಿಲ್ಲ. ಬಹುತೇಕ ಮಂದಿ ಸಾಲ ಮಾಡಲೇಬೇಕಾದಂಥ ಸ್ಥಿತಿಯಲ್ಲಿ ಇರುತ್ತಾರೆ. ಹೀಗಾಗಿಯೇ ಸಾಲ ಮಾಡಿಯಾದ್ರೂ ತುಪ್ಪ ತಿನ್ನು ಎನ್ನುವ ಗಾದೆ ಮಾತಿದೆ. ವಿಚಾರ ಏನಪ್ಪಾ ಅಂದ್ರೆ ಭಾರತದಲ್ಲಿ ಬಹುತೇಕರು ಸಾಲ ಮಾಡಿಯೇ ಶಾಪಿಂಗ್ ಮಾಡುತ್ತಾರೆ ಎಂಬ ಅಂಶವೊಂದನ್ನು ಸಮೀಕ್ಷೆಯೊಂದು ಬಹಿರಂಗಪಡಿಸಿದೆ.
ಹೋಮ್ ಕ್ರೆಡಿಟ್ ಇಂಡಿಯಾದ ವಾರ್ಷಿಕ ಗ್ರಾಹಕ ಅಧ್ಯಯನ ನಡೆಸಿದ 'ಹೌ ಇಂಡಿಯಾ ಬಾರೋಸ್' ಸಮೀಕ್ಷೆ ಪ್ರಕಾರ, ಭಾರತದಲ್ಲಿ ಸುಮಾರು ಶೇ.50ಕ್ಕಿಂತ ಹೆಚ್ಚು ಮಂದಿ ತಕ್ಷಣವೇ ಹಣ ಪಾವತಿ ಮಾಡುವ ಬದಲು ’ಇಎಂಐ’ ಕಾರ್ಡ್ ಬಳಸಿ ಅಥವಾ ಯಾವುದೇ ’ಕ್ರೆಡಿಟ್ ಕಾರ್ಡ್ ’ ಬಳಸಿ ಶಾಪಿಂಗ್ ಮಾಡಲು ಇಚ್ಛಿಸುತ್ತಾರೆ ಎಂದು ತಿಳಿದುಬಂದಿದೆ.
ಮುಂಬೈ, ಬೆಂಗಳೂರು, ದೆಹಲಿ, ಕೋಲ್ಕತ, ಚೆನ್ನೈ, ಲಖನೌ, ಪಟನಾ ಮತ್ತು ರಾಂಚಿ ಸೇರಿದಂತೆ 16 ನಗರಗಳಲ್ಲಿ 18 ರಿಂದ 55 ವರ್ಷ ವಯಸ್ಸಿನ ತಿಂಗಳಿಗೆ ಸರಾಸರಿ 30,000 ಆದಾಯ ಹೊಂದಿರುವ, ಸುಮಾರು 1,500 ಮಂದಿ ಸಾಲಗಾರರನ್ನು ಒಳಗೊಂಡಿಂತೆ, ಈ ಸಮೀಕ್ಷೆಗೆ ಒಳಪಡಿಸಲಾಗಿತ್ತು.
1500 ಜನರ ಪೈಕಿ ಶೇ. 50 ಕ್ಕಿಂತ ಹೆಚ್ಚು ಜನರು ಶಾಪಿಂಗ್ ಅಥವಾ ಇತರ ಕ್ರೆಡಿಟ್ ಉದ್ದೇಶಗಳಿಗಾಗಿ ಈಎಂಐ ಕಾರ್ಡ್ಗಳಿಗೆ ಆದ್ಯತೆ ನೀಡಿದ್ದಾರೆ ಎಂದು ಸಮೀಕ್ಷೆಯು ಬಹಿರಂಗಪಡಿಸಿದೆ