'ಭಾರತ ಶೀಘ್ರ ಡಿಜಿಟಲ್ ಆರ್ಥಿಕತೆ ರಫ್ತುದಾರನಾಗಲಿದೆ'-ಗೂಗಲ್ ಸಿಇಒ

•   Wed, Dec 21 2022 02:58:01 PM



• ನವದೆಹಲಿ, ಡಿ 21 (DaijiworldNews/DB): ಡಿಜಿಟಲ್ ಆರ್ಥಿಕತೆಯಲ್ಲಿ ಭಾರತವು ಯಶಸ್ವಿ ರಫ್ತುದಾರನಾಗುವ ದಿನಗಳು ದೂರವಿಲ್ಲ. ಭಾರತವನ್ನು ನೋಡಿ ಜಗತ್ತು ಕಲಿಯಬೇಕಿದೆ ಎಂದು ಗೂಗಲ್ ಸಿಇಒ ಸುಂದರ್ ಪಿಚೈ ಹೇಳಿದ್ದಾರೆ.

  ಗೂಗಲ್ ಫಾರ್ ಇಂಡಿಯಾದ ಎಂಟನೇ ಆವೃತ್ತಿಯಲ್ಲಿ ತಮ್ಮ ಫೈಲ್‌ಗಳ ಅಪ್ಲಿಕೇಶನ್ ಮೂಲಕ ಡಿಜಿಲಾಕರ್ ಮತ್ತು ಗೂಗಲ್ ಪೇಯ ಹೊಸ ವಹಿವಾಟು ಹುಡುಕಾಟ ವೈಶಿಷ್ಟ್ಯದಂತಹ ಪ್ರಕಟಣೆಗಳನ್ನು ಹೊರಡಿಸಿದ ನಂತರ ಮಾತನಾಡಿದ ಅವರು, ಯುಪಿಐ ಸ್ಟಾಕ್ ಆಧಾರದ ಮೇಲೆ ಭಾರತದಲ್ಲಿ ಜಾರಿಗೊಳಿಸಿದ ಗೂಗಲ್ ಪೇ ಸಿಸ್ಟಮ್‌ನ್ನು ವಿಶ್ವಾದ್ಯಂತ ವಿಸ್ತರಿಸಲು ಯೋಜಿಸುತ್ತಿದ್ದೇವೆ. ಆ ಮೂಲಕ ಡಿಜಿಟಲ್ ಆರ್ಥಿಕತೆಯಲ್ಲಿಯೂ ನಾವು ಯಶಸ್ವಿ ರಫ್ತುದಾರ ದೇಶವಾಗಲಿದ್ದೇವೆ ಎಂದರು.

  5ಜಿ ಸಂಪರ್ಕ ಸುಧಾರಣೆ ನಿಟ್ಟಿನಲ್ಲಿ ಪಾಲುದಾರರೊಂದಿಗೆ ಕೆಲಸ ಮಾಡುವುದು ಡಿಜಿಟೈಸೇಶನ್‌ ಫಂಡ್‌ನ ಬಹುಮುಖ್ಯ ಭಾಗ. ಆಂಡ್ರಾಯ್ಡ್‌ನಂತಹ ಉಚಿತ ಮೊಬೈಲ್ ಆಪರೇಟಿಂಗ್ ಸಿಸ್ಟಮ್ ನಮ್ಮ ಡಿಜಿಟಲ್ ಕ್ರಾಂತಿಗೆ ಶಕ್ತಿ ನೀಡುವುದು ಪಕ್ಕಾ. ಇದೀಗ ಇತರ ದೇಶಗಳೂ ತಮ್ಮ ದೇಶದಲ್ಲಿ ಈ ಕ್ರಾಂತಿಯ ಬಗ್ಗೆ ಯೋಚಿಸುತ್ತಿದ್ದಾರೆ ಎಂದವರು ತಿಳಿಸಿದರು.