ಮೆಸ್ಸಿ, ಎಂಬಪ್ಪೆ ಜೆರ್ಸಿ ತೊಟ್ಟು ಸಪ್ತಪದಿ ತುಳಿದ ವಧು-ವರ!

•   Tue, Dec 20 2022 06:14:55 PM



• ಕೇರಳ, ಡಿ 20 (DaijiworldNews/DB): ಡಿಫರೆಂಟ್ ಆಗಿ ಮದುವೆ ಆಗುವುದು ಈಗಿನ ಟ್ರೆಂಡ್ ಆಗಿದೆ. ಫುಟ್‌ಬಾಲ್ ಅಭಿಮಾನಿಗಳಾಗಿರುವ ಇಲ್ಲೊಂದು ಜೋಡಿ ಫುಟ್ಬಾಲ್ ಆಟಗಾರರ ಜರ್ಸಿ ತೊಟ್ಟು ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ.

  ಕೇರಳದ ಸಚಿನ್ ಆರ್. ಮತ್ತು ಆರ್. ಅಥಿರಾ ಅವರೇ ಫುಟ್ಬಾಲ್ ಆಟಗಾರರ ಜರ್ಸಿ ತೊಟ್ಟು ಸಪ್ತಪದಿ ತುಳಿದವರು. ಸಚಿನ್-ಅಥಿರಾ ಮದುವೆ ದಿನದಂದೇ ಫಿಫಾ ವಿಶ್ವಕಪ್ ಟೂರ್ನಿಯ ಫೈನಲ್ ಪಂದ್ಯವಿತ್ತು. ಫ್ರಾನ್ಸ್ ಹಾಗೂ ಅರ್ಜೆಂಟೀನಾದ ನಡುವೆ ಅಂತಿಮ ಹಣಾಹಣಿಯಾಗಿದ್ದರಿಂದ ಆ ಎರಡೂ ದೇಶಗಳ ತಮ್ಮ ನೆಚ್ಚಿನ ಆಟಗಾರರ ಜರ್ಸಿಯನ್ನು ವಧು-ವರರು ತೊಟ್ಟಿದ್ದರು.

  ಅರ್ಜೆಂಟೀನಾ ಸ್ಟಾರ್ ಆಟಗಾರ ಲಿಯೋನೆಲ್ ಮೆಸ್ಸಿ ಅವರ ಅಭಿಮಾನಿಯಾಗಿರುವ ಸಚಿನ್ ಮೆಸ್ಸಿ ಜರ್ಸಿ ತೊಟ್ಟರೆ, ಫ್ರಾನ್ಸ್ ಆಟಗಾರ ಎಂಬಪ್ಪೆ ಜರ್ಸಿಯನ್ನು ಅಥಿರಾ ತೊಟ್ಟಿದ್ದರು. ಆ ಮೂಲಕ ಆಟಗಾರರ ಬಗ್ಗೆ ತಮಗಿರುವ ಅಭಿಮಾನವನ್ನು ಜೋಡಿ ತೋರಿಸಿಕೊಂಡಿದ್ದಾರೆ. ಸದ್ಯ ಈ ಜೋಡಿಗಳು ಜರ್ಸಿ ತೊಟ್ಟು ಸಪ್ತಪದಿ ತುಳಿದಿರುವ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

  A match made in heaven! A ⚽-loving couple from #Kerala got married in #Messi & #Mbappe jerseys last evening! Even though they supported rivals in the #WorldCupFinal, this shows that there is always space for unity amid diversity in a country like India 🙏🏾 truly amazing. pic.twitter.com/d22le6qGHs

  — Amitabh Kant (@amitabhk87) December 19, 2022