ಪಣಜಿ, ಡಿ 20 (DaijiworldNews/HR): ಮನೋಹರ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಮನೋಹರ್ ಪಕ್ಕದಲ್ಲಿ ಪರಿಕ್ಕರ್ ಹಾಗೂ ಅವರ ಫೋಟೋ ಅಳವಡಿಸಲಾಗುವುದು ಎಂದು ಬಿಜೆಪಿ ಗೋವಾ ಉಸ್ತುವಾರಿ ಸಿ. ಟಿ. ರವಿ ಹೇಳಿದ್ದಾರೆ.
ಈ ಕುರಿತು ಮಾಹಿತಿ ನೀಡಿರುವ ಅವರು, ಗೋವಾದ ಮೋಪಾದ ಮನೋಹರ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಗೋವಾದ ಮಾಜಿ ಮುಖ್ಯಮಂತ್ರಿ ದಿ. ಮನೋಹರ್ ಪರಿಕ್ಕರ್ ರವರ ಹೆಸರಿಡಲಾಗಿದ್ದು, ಇದೀಗ ಮನೋಹರ್ ಪಕ್ಕದಲ್ಲಿ ಪರಿಕ್ಕರ್ ಸೇರ್ಪಡೆಯಾಗಲಿದ್ದು, ವಿಮಾನ ನಿಲ್ದಾಣದಲ್ಲಿ ಪರಿಕ್ಕರ್ ಫೋಟೋ ಕೂಡ ಹಾಕಲಾಗುತ್ತದೆ ಎಂದರು.
ಇನ್ನು ಮೋಪಾ ವಿಮಾನ ನಿಲ್ದಾಣದ ಹೆಸರನ್ನು ಮನೋಹರ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ ಎಂದು ಸರ್ಕಾರ ಘೋಷಿಸಿದ ತಕ್ಷಣ, ಮರುನಾಮಕರಣಕ್ಕೆ ಸಂಬಂಧಿಸಿದಂತೆ ಸಾಮಾಜಿಕ ಮಾಧ್ಯಮದಲ್ಲಿ ಕೆಲವು ಪೋಸ್ಟ್ ಗಳು ವೈರಲ್ ಆಗಿದ್ದು, ಬಿಜೆಪಿ ವಕ್ತಾರ ಸಾವಿಯೋ ರೋಡ್ರಿಗಸ್ ಕೂಡ ಮೊಪಾದಲ್ಲಿರುವ ವಿಮಾನ ನಿಲ್ದಾಣಕ್ಕೆ ಮನೋಹರ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ ಎಂಬ ಹೆಸರನ್ನು ಮನೋಹರ್ ಪರಿಕ್ಕರ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ ಎಂದು ಬದಲಾಯಿಸಬೇಕು ಎಂದು ಒತ್ತಾಯಿಸಿದ್ದು, ಇದೀಗ ಪರಿಕ್ಕರ್ ಹಾಗೂ ಅವರ ಫೋಟೋ ಅಳವಡಿಸಲಾಗುವುದು ಎಂದು ರವಿ ತಿಳಿಸಿದ್ದಾರೆ.