National
ಅನುಷ್ಕಾ ಶರ್ಮಾ ಅನುಮತಿರಹಿತ ಫೋಟೋ ಬಳಕೆ ಪೋಸ್ಟ್‌ಗೆ ಪೂಮಾ ಪ್ರತಿಕ್ರಿಯೆ-ನೆಟ್ಟಿಗರಲ್ಲಿ ಗೊಂದಲ
- Tue, Dec 20 2022 02:11:52 PM
-
ನವದೆಹಲಿ, ಡಿ 20 (DaijiworldNews/DB): ಅನುಮತಿ ಇಲ್ಲದೆ ತನ್ನ ಫೋಟೋ ಬಳಸಿದ್ದಕ್ಕಾಗಿ ಸೋಮವಾರವಷ್ಟೇ ಸ್ಪೋರ್ಟ್ಸ್‌ ವೇರ್‍ ಬ್ರಾಂಡ್ ಪೂಮಾವನ್ನು ತರಾಟೆಗೆ ತೆಗೆದುಕೊಂಡಿದ್ದ ನಟಿ ಅನುಷ್ಕಾ ಶರ್ಮಾ ಇದೀಗ ತಮ್ಮ ಅಭಿಮಾನಿಗಳಿಗೆ ಆಶ್ಚರ್ಯವನ್ನುಂಟು ಮಾಡಿದ್ದಾರೆ. ಅನುಷ್ಕಾ ಪೋಸ್ಟ್‌ಗೆ ಬ್ರಾಂಡ್ ತನ್ನ ಅಧಿಕೃತ ಇನ್‌ಸ್ಟಾಗ್ರಾಂ ಖಾತೆಯಿಂದ ಪ್ರತಿಕ್ರಿಯಿಸಿರುವುದನ್ನು ನೋಡಿ ನೆಟ್ಟಿಗರೂ ಗೊಂದಲಕ್ಕೀಡಾಗಿದ್ದಾರೆ.
ಅನುಮತಿ ಇಲ್ಲದೆ ತಮ್ಮ ಫೋಟೋವನ್ನು ಪೂಮಾ ಬಳಸಿದೆ ಎಂದು ಸೋಮವಾರವಷ್ಟೇ ನಟಿ ಅನುಷ್ಕಾ ಶರ್ಮಾ ಇನ್‌‌ಸ್ಟಾಗ್ರಾಂನಲ್ಲಿ ಪೋಸ್ಟ್ ಹಾಕಿದ್ದರು. ಅಲ್ಲದೆ ನಾನು ಪೂಮಾದ ರಾಯಭಾರಿಯೂ ಅಲ್ಲ ಎಂದು ಬರೆದುಕೊಂಡಿದ್ದರು. ಆದರೆ ನಟಿಯ ಈ ಪೋಸ್ಟ್‌ಗೆ ಪ್ರತಿಕ್ರಿಯೆಯಾಗಿ ಪೂಮಾ ಬ್ರಾಂಡ್ ತನ್ನ ಅಧಿಕೃತ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಇದೊಂದು ಒಪ್ಪಂದದಂತೆ ತೋರುವ ಚಿತ್ರವನ್ನು ಪೋಸ್ಟ್ ಮಾಡಿದೆ. "ಪೂಮಾ x ಅನುಷ್ಕಾ" ಎಂದು ಆ ಪೋಸ್ಟ್‌ನಲ್ಲಿ ಉಲ್ಲೇಖಿಸಲಾಗಿದ್ದು, ಅದರ ಮೇಲೆ ಗೌಪ್ಯ (ಕಾನ್ಫಿಡೆನ್ಶಿಯಲ್) ಸ್ಟಾಂಪ್ ಕೂಡಾ ಇದೆ. ಅಲ್ಲದೆ ಹೇ ಅನುಷ್ಕಾ ಶರ್ಮಾ, ನಾವು ಬೇಗ ತಲುಪಬೇಕಾಗಿತ್ತು! ನಾವು ಮುಂದಿನ ಹಂತಕ್ಕೆ ವಿಷಯಗಳನ್ನು ತೆಗೆದುಕೊಳ್ಳಬೇಕೇ ಎಂದು ಕಂಪೆನಿ ಬರೆದುಕೊಂಡಿದೆ. ಇದಕ್ಕೆ ಮರು ಪ್ರತಿಕ್ರಿಯೆ ನೀಡಿರುವ ನಟಿ ನಾನು ಅದರ ಮೇಲೆ ಮಲಗುತ್ತೇನೆ ಎಂದು ಬರೆದುಕೊಂಡಿದ್ದಾರೆ.
ಇನ್ನು ಪೂಮಾ ಮತ್ತು ಅನುಷ್ಕಾರ ಈ ಸಂಭಾಷಣೆಯನ್ನು ನೋಡಿದ ನೆಟ್ಟಿಗರು ಗೊಂದಲಕ್ಕೀಡಾಗಿದ್ದಾರೆ. ಆನ್‌ಲೈನ್‌ನಲ್ಲಿ ಪ್ರೊಮೋಶನ್‌ ಗಿಟ್ಟಿಸಿಕೊಳ್ಳಲು ಮಾಡಿದ ತಂತ್ರ ಇದೆಂದು ನೆಟ್ಟಿಗರು ಹೇಳಿದ್ದಾರೆ.
ಚಾನಲ್ ಫಾಲೋ ಮಾಡಿ
