ನವದೆಹಲಿ, ಡಿ 19 (DaijiworldNews/HR): ಟ್ವಿಟರ್ ಬಳಕೆದಾರರು 'ಕೂ' ಆಯಪ್ ಡೌನ್ಲೋಡ್ ಮಾಡಿಕೊಂಡರೆ, ತಮ್ಮ ಹಳೆಯ ಎಲ್ಲ ಟ್ವೀಟ್ಗಳನ್ನು 'ಕೂ'ಗೆ ವರ್ಗಾಯಿಸಬಹುದು ಎಂದು ವರದಿಯಾಗಿದೆ.
ಈ ಕುರಿತು ಟ್ವೀಟ್ ಮಾಡಿರುವ 'ಕೂ' ಸಹ ಸಂಸ್ಥಾಪಕ, ಸಿಇಒ ಅಪ್ರಮೇಯ ರಾಧಾಕೃಷ್ಣ, 'ಕೂ' ಬಳಕೆದಾರರು ವೆರಿಫಿಕೇಶನ್ ಬ್ಯಾಡ್ಜ್ ಪಡೆಯಲು ಯಾವುದೇ ರೀತಿಯ ಶುಲ್ಕ ವಿಧಿಸದೇ ಇರುವ ಕ್ರಮ ಮುಂದುವರಿಯಲಿದೆ ಎಂದರು.
ಇನ್ನು ಟ್ವಿಟರ್ಗೆ ಪರ್ಯಾಯವಾಗಿ ಅಭಿವೃದ್ಧಿಪಡಿಸಿರುವ 'ಕೂ' ಭಾರತೀಯ ಕಂಪನಿಯಾಗಿದ್ದು, 'ಕೂ' ಬಳಕೆದಾರರು ಭಾರತೀಯ ಭಾಷೆಗಳಲ್ಲಿ ತಮ್ಮ ಅನಿಸಿಕೆಗಳನ್ನು ವ್ಯಕ್ತಪಡಿಸಬಹುದು ಎಂದು ತಿಳಿಸಿದ್ದಾರೆ.