ನವದೆಹಲಿ, ಡಿ 18( DaijiworldNews/MS): ಭಾರತ ಮೂಲದ ಲಿಯೋ ವರದ್ಕರ್ ಅವರು ಎರಡನೇ ಬಾರಿಗೆ ಐರ್ಲೆಂಡ್ನ ಪ್ರಧಾನಿಯಾಗುತ್ತಿರುವ ಹಿನ್ನೆಲೆಯಲ್ಲಿ , ಉದ್ಯಮಿ ಆನಂದ್ ಮಹೀಂದ್ರಾ, "ಬ್ರಿಟನ್ ಮತ್ತು ಐರ್ಲೆಂಡ್ ಎರಡೂ ಭಾರತೀಯ ಮೂಲದ ನಾಯಕರನ್ನು ಹೊಂದಿದ್ದು, "ಭಾರತವು ವಿಶ್ವದಲ್ಲೇ ಮಾನವ ಸಂಪನ್ಮೂಲದ ಕಣಜ" ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಈ ಬಗ್ಗೆ ಟ್ವೀಟ್ ಮಾಡಿರುವ ಅವರು, ‘ಯುಕೆ ಮತ್ತು ಐರ್ಲೆಂಡ್ ಎರಡೂ ಭಾರತ ಮೂಲದ ಪ್ರಧಾನಿಯನ್ನು ಹೊಂದಿವೆ. ಅಮೆರಿಕದ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ ಕೂಡಾ ಭಾರತ ಮೂಲದವರು. ಇದೊಂದು ಅಸಾಧಾರಣ ಸಂಗತಿ. ನಾವು (ಭಾರತ) ಖಂಡಿತವಾಗಿಯೂ ವಿಶ್ವದ ಮಾನವ ಸಂಪನ್ಮೂಲದ ಕಣಜ (ಇನ್ಕ್ಯೂಬೇಟರ್)’ ಎಂದು ಹೇಳಿದ್ದಾರೆ.
ಮಹಾರಾಷ್ಟ್ರದ ವರದ್ ಗ್ರಾಮದ ವೈದ್ಯ ಅಶೋಕ್ ವರದ್ಕರ್ ಅವರ ಪುತ್ರ. 1960ರ ದಶಕದಲ್ಲಿ ಅಶೋಕ್ ವರದ್ಕರ್ ಪಾಶ್ಚಾತ್ಯ ಬ್ರಿಟನ್ಗೆ ವಲಸೆ ಹೋಗಿದ್ದು ಅಲ್ಲಿ ಐರಿಷ್ ಮೂಲದ ಮಿರಿಯಮ್ ಅವರನ್ನು ವರಿಸಿದ್ದರು.