ಡೈವೋರ್ಸ್‌ಗಾಗಿ ಗರ್ಭಿಣಿ ಪತ್ನಿಗೆ ಎಚ್‌ಐವಿ ಸೋಂಕಿತ ಚುಚ್ಚುಮದ್ದು ನೀಡಿದ ಪತಿ!

•   Sun, Dec 18 2022 12:56:46 PM



• ತಾಡೆಪಲ್ಲಿ, ಡಿ 18( DaijiworldNews/MS): ಆಂಧ್ರಪ್ರದೇಶದ ತಾಡೆಪಲ್ಲಿಯಲ್ಲಿ 40 ವರ್ಷದ ವ್ಯಕ್ತಿಯೊಬ್ಬ ತನ್ನ ಗರ್ಭಿಣಿ ಪತ್ನಿಗೆ ವಿಚ್ಛೇದನ ನೀಡಲು ಎಚ್‌ಐವಿ ಸೋಂಕಿತ ರಕ್ತ ಇಂಜೆಕ್ಟ್‌ ಮಾಡಿದ ವಿಲಕ್ಷಣ ಘಟನೆ ನಡೆದಿದೆ.

  ಇತ್ತೀಚೆಗೆ ಆಸ್ಪತ್ರೆಯಲ್ಲಿ ನಡೆಸಿದ ಪರೀಕ್ಷೆಯಲ್ಲಿ ಮಹಿಳೆಗೆ ಎಚ್‌ಐವಿ ಸೋಂಕು ತಗುಲಿರುವುದು ಪತ್ತೆಯಾಗಿದೆ. ಇದರ ಬೆನ್ನಲ್ಲೇ ಪತಿ ಈ ಹಿಂದೆ ರಕ್ತ ಚುಚ್ಚುಮದ್ದು ನೀಡಿರುವುದಾಗಿ ಮಹಿಳೆ ದೂರು ನೀಡಿದ್ದಾರೆ.

  ತನಗೆ ಎಚ್‌ಐವಿ ಸೋಂಕು ತಗುಲಿದೆ ಎಂಬ ಕಾರಣಕ್ಕೆ ವಿಚ್ಛೇದನ ಪಡೆಯಲು ಪತಿ ಪಾರಂಪರಿಕ ನಾಟಿ ವೈದ್ಯರ ನೆರವಿನಿಂದ ರಕ್ತ ಚುಚ್ಚುಮದ್ದು ನೀಡಿದ್ದಾರೆ ಎಂದು ಗರ್ಭಿಣಿ ಮಹಿಳೆ ಆರೋಪಿಸಿದ್ದಾರೆ.

  ಆಕೆ ಆರೋಗ್ಯ ತಪಾಸಣೆ ಮಾಡಿಸಿದಾಗ ಎಚ್‌ಐವಿ ಪಾಸಿಟಿವ್ ಎಂಬುದು ಗೊತ್ತಾಗಿದ್ದು, ಪೊಲೀಸರು ಚರಣ್‌ನ ಬಂಧಿಸಿದ್ದಾರೆ.

  ಈಗಾಗಲೇ ಮಗಳು ಇದ್ದು, ಪತಿ ಗಂಡು ಮಗುವಿಗೆ ಪೀಡಿಸುತ್ತಿದ್ದ. ಜತೆಗೆ 21 ವರ್ಷದ ಯುವತಿಯೊಂದಿಗೆ ಅನೈತಿಕ ಸಂಬಂಧವಿದ್ದು, ಡೈವೋರ್ಸ್‌ಗೆ ಇಂಥಹ ಕೃತ್ಯ ಎಸಗಿದ್ದಾನೆ ಎಂದು ಮಹಿಳೆ ದೂರಿನಲ್ಲಿ ಆರೋಪಿಸಿದ್ದಾರೆ