ಕೆಜಿಎಫ್‌ : ಅದಿರಿನಿಂದ ಚಿನ್ನ ತೆಗೆಯಲು ಸರ್ಕಾರದ ಸಿದ್ದತೆ

•   Fri, Dec 16 2022 02:01:56 PM



• ನವದೆಹಲಿ, ಡಿ 16 ( DaijiworldNews/MS): ಕೋಲಾರ ಚಿನ್ನದ ಗಣಿಯಲ್ಲಿ (KGF) 2 ದಶಕದ ಬಳಿಕ ಚಿನ್ನದ ಗಣಿಗಾರಿಕೆಗೆ ಕೇಂದ್ರ ಸರ್ಕಾರ ಟೆಂಡರ್‌ ಪ್ರಕ್ರಿಯೆ ಪ್ರಾರಂಭಿಸಿದ್ದು, 3 ಸುತ್ತಿನ ಸಭೆ ನಡೆದಿದೆ. 2023ರ ಜೂನ್ ವೇಳೆ ಬಹುತೇಕ ಪ್ರಕ್ರಿಯೆ ಅಂತಿಮಗೊಳ್ಳುವ ಸಾಧ್ಯತೆಯಿದೆ.

  10ಗ್ರಾಂ ಚಿನ್ನ ತೆಗೆಯಲು 12,000 ವೆಚ್ಚವಾಗುತ್ತದೆ ಹಾಗೂ ಚಿನ್ನದ ಬೆಲೆ ಕೂಡ ಕುಸಿದಿತ್ತು ಎಂಬ ಕಾರಣ 2001ರಲ್ಲಿ ಕೋಲಾರ ಗಣಿಗಾರಿಕೆ ಸ್ಥಗಿತಗೊಳಿಸಲಾಗಿತ್ತು. ಹಾಗೆಂದು ಮತ್ತೆ ಗಣಿಗಾರಿಕೆ ಆರಂಭವಾಗುತ್ತಿಲ್ಲ. ಈಗಾಗಲೇ ಗಣಿಗಾರಿಕೆಯಿಂದ ತೆಗೆದ 50 ದಶಲಕ್ಷ ಟನ್‌ ಚಿನ್ನದ ಅದಿರಿನಿಂದ ಅತ್ಯಾಧುನಿಕ ತಂತ್ರಜ್ಞಾನ ಬಳಸಿ ಚಿನ್ನ ತೆಗೆಯುವ ಸಿದ್ಧತೆಯನ್ನು ಕೇಂದ್ರ ಸರ್ಕಾರ ಆರಂಭಿಸಿದೆ. ಇದಕ್ಕಾಗಿ ಜಾಗತಿಕ ಟೆಂಡರ್‌ ಕರೆಯಲು ಪ್ರಕ್ರಿಯೆ ಶುರು ಮಾಡಿದೆ.

  14,000 ಎಕರೆ ಜಾಗದಲ್ಲಿ ಮೈನಿಂಗ್‌ ಪುನರಾರಂಭಕ್ಕೆ ಜಾಗತಿಕ ಟೆಂಡರ್‌ ಕರೆಯಲು ಇಲಾಖೆಗೆ ಸೂಚನೆ ನೀಡಲಾಗಿದೆ ಎಂದು ಸಚಿವ ಪ್ರಹ್ಲಾದ್‌ ಜೋಶಿ ತಿಳಿಸಿದ್ದಾರೆ.