ಮಗುವಿಗೆ ಜನ್ಮ ನೀಡಿದ 13 ವರ್ಷದ ಅತ್ಯಾಚಾರ ಸಂತ್ರಸ್ತೆ - ಮಗು ಬೇಡವೆಂದ ಬಾಲಕಿಯ ತಂದೆ

•   Thu, Dec 15 2022 12:42:44 PM



• ಉತ್ತರ ಪ್ರದೇಶ, ಡಿ 15 (DaijiworldNews/HR): ಉತ್ತರಪ್ರದೇಶದಲ್ಲಿ 13 ವರ್ಷದ ಅತ್ಯಾಚಾರ ಸಂತ್ರಸ್ತೆಯೊಬ್ಬಳು ಗಂಡು ಮಗುವಿಗೆ ಜನ್ಮ ನೀಡಿದ್ದು, ಅತ್ಯಾಚಾರ ಸಂತ್ರಸ್ತೆಯ ತಂದೆ ನವಜಾತ ಶಿಶುವನ್ನು ಮನೆಗೆ ಕರೆದುಕೊಂಡು ಹೋಗಲು ನಿರಾಕರಿಸಿರುವ ಘಟನೆ ಕೌಶಂಬಿಯಲ್ಲಿ ನಡೆದಿದೆ.

  ಮಗು ಅಕ್ರಮವಾಗಿದ್ದರಿಂದ ತನಗೆ ಮಗು ಬೇಡ. ಮಗಳಿಗೆ ಹೆಚ್ಚಿನ ವಿದ್ಯಾಭ್ಯಾಸ ನೀಡಿ ಆಕೆಯನ್ನು ನೋಡಿಕೊಳ್ಳಬೇಕು, ಆ ಮಗು ತನ್ನ ಮಗಳ ಬದುಕಿಗೆ ಅಡ್ಡಿಯಾಗಲಿದೆ ಎಂಸು ಬಾಲಕಿಯ ತಂದೆ ತಿಳಿಸಿರುವುದಾಗಿ ವರದಿಯಾಗಿದೆ.

  ಇನ್ನು ಇದಕ್ಕೂ ಮೊದಲು ಬಾಲಕಿಯ ತಂದೆ ಗರ್ಭಪಾತಕ್ಕಾಗಿ ನ್ಯಾಯಾಲಯದ ಮೊರೆ ಹೋಗಿದ್ದು, ಅಕ್ಟೋಬರ್ 15 ರಂದು, ಗರ್ಭಾವಸ್ಥೆಯನ್ನು ಅಂತ್ಯಗೊಳಿಸಲು ವೈದ್ಯಕೀಯ ಮಂಡಳಿಯನ್ನು ರಚಿಸುವಂತೆ CMO/CMS ಗೆ ನ್ಯಾಯಾಲಯವು ಆದೇಶಿಸಿತು.

  ನವೆಂಬರ್ 12 ರಂದು, ಸಂತ್ರಸ್ತೆಯನ್ನು ವೈದ್ಯರ ತಂಡದ ಮೇಲ್ವಿಚಾರಣೆಯಲ್ಲಿ ಇಡಬೇಕು ಮತ್ತು ಆಕೆಯ ಆರೋಗ್ಯವನ್ನು ಗಮನದಲ್ಲಿಟ್ಟುಕೊಂಡು, ಗರ್ಭಪಾತ ಮಾಡಬೇಕೇ ಅಥವಾ ಮಗುವನ್ನು ಪಡೆಯಬೇಕೇ ಎಂಬುದರ ಕುರಿತು ವೈದ್ಯರ ತಂಡವು ಮುಂದಿನ ನಿರ್ಧಾರವನ್ನು ತೆಗೆದುಕೊಳ್ಳಬೇಕು ಎಂದು ನ್ಯಾಯಾಲಯ ಆದೇಶಿಸಿತ್ತು. ಆದರೆ ಇದೀಗ ಬಾಲಕಿಯು ಮಗುವಿಗೆ ಜನ್ಮ ನೀಡಿದ್ದು, ಮಗುವನ್ನು ಮನೆಗೆ ಕರೆದೊಯ್ಯಲು ತಂದೆ ನಿರಾಕರಿಸಿದ್ದಾರೆ.