ಬರೊಬ್ಬರಿ 1 ಲಕ್ಷ ರೂಪಾಯಿಗೆ ನವಜಾತ ಶಿಶು ಮಾರಾಟ ಮಾಡಿದ ತಂದೆ!

•   Tue, Dec 13 2022 01:47:22 PM



• ಉತ್ತರಪ್ರದೇಶ, ಡಿ.13 (DaijiworldNews/HR): ಉತ್ತರಪ್ರದೇಶದ ಲಾಲಾ ಲಜಪತ್ ರಾಯ್ ವೈದ್ಯಕೀಯ ಕಾಲೇಜಿನ ಹೆರಿಗೆ ವಾರ್ಡ್‌ನಲ್ಲಿ ತಡರಾತ್ರಿ ಮಹಿಳೆಗೆ ಹೆರಿಗೆಯಾಗಿದ್ದು, ಮಗು ಹುಟ್ಟಿದ ಕೆಲವೇ ಗಂಟೆಗಳಲ್ಲಿ ತಂದೆಯೇ ಮಗುವನ್ನು ಬೇರೊಬ್ಬ ದಂಪತಿಗೆ ಬರೊಬ್ಬರಿ 1 ಲಕ್ಷ ರೂಪಾಯಿಗೆ ಮಾರಾಟ ಮಾಡಿರುವ ಘಟನೆ ವರದಿಯಾಗಿದೆ.

  ಸಾಂದರ್ಭಿಕ ಚಿತ್ರ

  ವೈದ್ಯಕೀಯ ಕಾಲೇಜಿನಲ್ಲಿ ಮಗುವಿನ ಕಳ್ಳತನವಾಗಿದೆ ಎಂಬ ಆರೋಪ ಕೇಳಿ ಬಂದಿದ್ದು, ಸ್ಥಳಕ್ಕೆ ಪೊಲೀಸರು ಬಂದಿದ್ದರು. ಪೊಲೀಸರು ಸರಿಯಾಗಿ ವಿಚಾರಿಸಿದಾಗ ಮಗುವನ್ನು ಮಾರಾಟ ಮಾಡಿದ ತಂದೆಯ ಕೃತ್ಯ ಬಯಲಿಗೆ ಬಂದಿದೆ.

  ಇನ್ನು ಮಗು ಹುಟ್ಟುವ ಮೊದಲೇ ಅದನ್ನು ಮಾರಾಟ ಮಾಡುವ ಒಪ್ಪಂದವಾಗಿದ್ದು, ಶಿಶು ಗಂಡಾಗಿದ್ದರೆ 1 ಲಕ್ಷ ರೂಪಾಯಿಗೆ ಮಾರಾಟದ ಒಪ್ಪಂದವಾಗಿದ್ದು, ಇದಕ್ಕೆ ತಾಯಿಯೂ ಒಪ್ಪಿದ್ದಳು. ಇದರ ಪ್ರಕಾರವೇ ಎಲ್ಲವೂ ನಡೆದಿತ್ತು. ಆದರೆ ಮಗುವಿನ ಕಳುವಾಗಿದೆ ಎಂಬ ಆರೋಪ ಕೇಳಿ ಬಂದ ನಂತರ ಮಗು ಮಾರಾಟ ಕೃತ್ಯ ಬಯಲಾಗಿದೆ.