ಪಾಟ್ನಾ, ಡಿ.13 (DaijiworldNews/HR): ಬಿಹಾರದ ಛಾಪ್ರದಲ್ಲಿ ಪ್ರೇಯಸಿಯನ್ನು ಭೇಟಿಯಾಗಲು ಪ್ರಿಯಕರನೊಬ್ಬ ನಡುರಾತ್ರಿ ಆಕೆಯ ಮನೆಗೆ ಹೋಗಿ ಅಪಾಯಕ್ಕೆ ಸಿಲುಕಿಕೊಂಡ ಘಟನೆ ನಡೆದಿದೆ.
ಪ್ರೇಯಸಿಯನ್ನು ಭೇಟಿಯಾಗಲು ರಹಸ್ಯವಾಗಿ ಆಕೆಯ ಮನೆಗೆ ಹೋಗಿದ್ದು, ನಡುರಾತ್ರಿ ಮನೆಯಲ್ಲಿ ಎಲ್ಲರೂ ಮಲಗಿರುವಾಗ ತನ್ನ ಪ್ರೇಯಸಿ ತನಗಾಗಿ ಕಾಯುತ್ತಿರುತ್ತಾಳೆಂದು ಮುನ್ನರಾಜ್ ಪ್ರಿಯತಮೆ ಮನೆಯತ್ತ ತೆರಳಿದ್ದಾನೆ.
ಇನ್ನು ಮಹಡಿಯ ಮೇಲೆ ಹತ್ತಲು ಯತ್ನಿಸುವಾಗ ಹುಡುಗಿ ಮನೆಯವರು ಮನೆಗೆ ಯಾರೋ ಬಂದಿದ್ದಾರೆ ಎಂದು ಎಚ್ಚರಗೊಂಡಿದ್ದಾರೆ. ಸದ್ದು ಬಂದ ಕೂಡಲೇ ಎಚ್ಚರಗೊಂಡ ಹುಡುಗಿ ಮನೆಯವರು ಮುನ್ನರಾಜ್ ನನ್ನು ನೋಡುತ್ತಾರೆ. ಆತ ಯಾರೆಂದು ನೋಡಿದಾಗ, ಮುನ್ನರಾಜ್ ಭಯದಿಂದ ಓಡಲು ಆರಂಭಿಸಿ ಅಲ್ಲೇ ಇದ್ದ ಬಾವಿಯೊಂದಕ್ಕೆ ಹಾರಿ ಪ್ರಾಣ ಉಳಿಸಿಕೊಳ್ಳಲು ಯತ್ನಿಸುತ್ತಾನೆ.
ಬಾವಿಗೆ ಹಾರಿದ್ದನ್ನು ಕಂಡ ಜನ. ಬಳಿಕ ಆತನನ್ನು ಮೇಲಕ್ಕೆತ್ತಿ ವಿಚಾರಣೆ ಮಾಡಿದ್ದಾರೆ. ಆಗ ಮುನ್ನರಾಜ್ ಅವರ ಪ್ರೇಮ ಪುರಾಣ ಹೊರ ಬಂದಿದೆ. ಬಳಿಕ ಪ್ರೇಮಿಗಳು ಹಾಗೂ ಅವರಿಬ್ಬರ ಮನೆಯವರನ್ನು ಸಂಧಾನ ಮಾಡಿ, ದೇವಸ್ಥಾನದಲ್ಲಿ ಇಬ್ಬರ ಮದುವೆಯನ್ನು ನೆರವೇರಿಸಿರುವುದಾಗಿ ವರದಿಯಾಗಿದೆ.