ಡಿ. 13ರ ಮಧ್ಯರಾತ್ರಿ ಬರಿ ಕಣ್ಣಿನಿಂದ ಉಲ್ಕಾಪಾತ ಕಣ್ತುಂಬಿಸಿಕೊಳ್ಳಬಹುದು .!

•   Mon, Dec 12 2022 11:46:22 AM



• ನವದೆಹಲಿ, ಡಿ12 ( DaijiworldNews/MS): ಖಗೋಳಾಸ್ತಕರು ಆಕಾಶವನ್ನು ಡಿ. 13ರ ಮಧ್ಯರಾತ್ರಿ ಮತ್ತು ಡಿ. 14ರ ಮುಂಜಾನೆ ನೋಡಿದರೆ ಉಲ್ಕಾಪಾತ ಕ್ಷಣಗಳನ್ನು ಆನಂದಿಸಬಹುದು.

  ಬೆಳಕಿನ ಮಾಲಿನ್ಯ ಇಲ್ಲದ ನಗರ ಪ್ರದೇಶಗಳಿಂದ ದೂರ ಹೋಗಿ ನೋಡಿದರೆ ಉಲ್ಕಾಪಾತ ಚೆನ್ನಾಗಿ ಕಾಣಿಸಿಕೊಳ್ಳುತ್ತದೆ. ಉಲ್ಕೆ ಬೀಳುವುದನ್ನು ನೋಡಲು ಶುಭ್ರ ಆಕಾಶ ಇರಬೇಕು. ಚಂದಿರ ಹೆಚ್ಚು ಪ್ರಕಾಶಮಾನವಾಗಿರಬಾರದು. ಈ ಬಾರಿ ಮೋಡದ ವಾತಾವರಣ ಇರುವುದರಿಂದ ಉಲ್ಕೆಗಳ ಪತನ ಕಾಣಿಸಬಹುದೇ ಎಂಬ ಕುತೂಹಲವಿದೆ. ಆದರೂ ಡಿ. 13ರ ಮಧ್ಯರಾತ್ರಿ 2 ಗಂಟೆಯಿಂದ 3 ಗಂಟೆ ಸಮಯಕ್ಕೆ ಉಲ್ಕಾಪಾತ ತನ್ನ ಉತ್ತುಂಗಕ್ಕೆ ತಲುಪಲಿದೆ. ಇದನ್ನು ನೋಡಲು ದೂರದರ್ಶಕದ ಆವಶ್ಯಕತೆ ಇಲ್ಲ. ಬರಿ ಕಣ್ಣಿನಿಂದ ಇದನ್ನು ವೀಕ್ಷಿಸಬಹುದಾಗಿದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.

  ಈ ವರ್ಷ ಡಿ. 13ರ ಮಧ್ಯರಾತ್ರಿ 100 ಕ್ಕೂ ಹೆಚ್ಚು ಉಲ್ಕಾಪಾತಗಳು ಭೂಮಿಯ ಸಮೀಪ ಬರಲಿವೆ. ಉಲ್ಕಾಪಾತವನ್ನು ವೀಕ್ಷಿಸಲು ಬೆಂಗಳೂರಿನ ಜವಾಹರಲಾಲ್‌ ತಾರಾಲಯ ಸೇರಿದಂತೆ ದೇಶದ ಹಲವು ಕಡೆಗಳಲ್ಲಿ ವಿಶೇಷ ವ್ಯವಸ್ಥೆ ಮಾಡಲಾಗಿದೆ.