'ಹಿರಿಯ ನಾಯಕರ ಅವಗಣನೆಯೇ ಕಾಂಗ್ರೆಸ್ ಸೋಲಿಗೆ ಕಾರಣ'-ವೀರಪ್ಪ ಮೊಯ್ಲಿ

•   Sun, Dec 11 2022 05:00:48 PM



• ಬೆಂಗಳೂರು, ಡಿ 11 (DaijiworldNews/DB): ಹಿರಿಯ ನಾಯಕರನ್ನು ಕಾಂಗ್ರೆಸ್‌ನಲ್ಲಿ ಅವಗಣಿಸಿರುವುದೇ ಗುಜರಾತ್‌ನಲ್ಲಿ ಪಕ್ಷದ ಸೋಲಿಗೆ ಕಾರಣ ಎಂದು ಕಾಂಗ್ರೆಸ್‌ನ ಹಿರಿಯ ನಾಯಕ ಎಂ. ವೀರಪ್ಪ ಮೊಯ್ಲಿ ಹೇಳಿದ್ದಾರೆ.

  ಬೆಂಗಳೂರಿನಲ್ಲಿ ಸುದ್ದಿಗಾರರೊಂದಿಗೆ ಭಾನುವಾರ ಮಾತನಾಡಿದ ಅವರು, ಗುಜರಾತ್‌ನಲ್ಲಿ ಪಕ್ಷದ ಹಿರಿಯ ನಾಯಕರಿಗೆ ಪಕ್ಷದೊಳಗೆ ಸೂಕ್ತ ಗೌರವ ನೀಡದಿರುವುದೇ ಕಡಿಮೆ ಸಾಧನೆಗೆ ಕಾರಣವಾಗಿದೆ. ಹಿರಿಯರನ್ನು ಗೌರವಿಸುವುದನ್ನು ಕಾಂಗ್ರೆಸ್ ರೂಢಿಸಿಕೊಳ್ಳಬೇಕು ಎಂದರು.

  ಹಿಮಾಚಲ ಪ್ರದೇಶದಲ್ಲಿ ಮಾಜಿ ಸಿಎಂ ದಿವಂಗತ ವೀರಭದ್ರ ಸಿಂಗ್ ಪತ್ನಿ ಪ್ರತಿಭಾ ಸಿಂಗ್ ಅವರನ್ನು ಪ್ರದೇಶ ಕಾಂಗ್ರೆಸ್ ಸಮಿತಿ ಮುಖ್ಯಸ್ಥರನ್ನಾಗಿ ನೇಮಿಸಲಾಯಿತು. ಇದು ಅಲ್ಲಿ ಚುನಾವಣೆ ಗೆಲುವಿಗೂ ದಾರಿಯಾಯಿತು ಎಂದವರು ವಿಶ್ಲೇಷಿಸಿದರು.