ಚಂಡೀಗಢ, ಡಿ 10 (DaijiworldNews/DB): ಪಂಜಾಬ್ನ ತರನ್ ಪೊಲೀಸ್ ಠಾಣೆಯೊಳಗೆ ಗ್ರೆನೇಡ್ ಸ್ಪೋಟಗೊಂಡ ಘಟನೆ ಶುಕ್ರವಾರ ತಡರಾತ್ರಿ ನಡೆದಿದೆ.
ತಡರಾತ್ರಿ ಸುಮಾರು 1 ಗಂಟೆ ವೇಳೆಗೆ ಘಟನೆ ಸಂಭವಿಸಿದೆ. ಗ್ರೆನೇಡ್ ಠಾಣೆಯ ಹೊರ ಭಾಗದಲ್ಲಿರುವ ಪಿಲ್ಲರ್ಗೆ ಅಪ್ಪಳಿಸಿದ ಪರಿಣಾಮ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ. ಕಟ್ಟಡಕ್ಕೂ ಅಲ್ಪಸ್ವಲ್ಪ ಹಾನಿಯಾಗಿದೆ.
ರಾಕೆಟ್ ಪರಿಣಾಮಕಾರಿಯಾಗಿದೆ. ಪಿಲ್ಲರ್ಗೆ ತಾಗಿದ ಕಾರಣ ಹಾನಿ ಉಂಟಾಗಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ. ಪಂಜಾಬ್ ಡಿಜಿಪಿ ಗೌರವ್ ಯಾದವ್ ಮತ್ತು ಪೊರೆನ್ಸಿಕ್ ತಂಡ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದೆ.
ಪಾಕಿಸ್ಥಾನಿ ಗುಪ್ತಚರ ಪಡೆ ಐಎಸ್ಐನ ಬೆಂಬಲ ಪಡೆಯುತ್ತಿರುವ ಖಲಿಸ್ಥಾನಿ ಉಗ್ರ ಸಂಘಟನೆಗಳ ಕೃತ್ಯ ಇದು ಎಂದು ಶಂಕಿಸಲಾಗಿದೆ. ಭಯೋತ್ಪಾದಕ ಕೃತ್ಯ ಎಸಗುತ್ತಿದ್ದ ಗ್ಯಾಂಗ್ಸ್ಟರ್ ಹರ್ವಿಂದರ್ ಸಿಂಗ್ ರಿಂಡಾ ಇತ್ತೀಚೆಗೆ ಹತ್ಯೆಯಾಗಿದ್ದು, ಈ ಕಾರಣಕ್ಕಾಗಿ ಖಲಿಸ್ಥಾನಿ ಉಗ್ರ ಸಂಘಟನೆಗಳು ಕೃತ್ಯ ಎಸಗಿವೆ ಎಂಬ ಶಂಕೆ ವ್ಯಕ್ತವಾಗಿದೆ.