ಮನೆಗೆ ನುಗ್ಗಿ 100 ಮಂದಿಯಿಂದ ದಾಂಧಲೆ-ಹೆತ್ತವರ ಮುಂದೆಯೇ ಮಗಳು ಕಿಡ್ನ್ಯಾಪ್!

•   Sat, Dec 10 2022 11:52:01 AM



• ತೆಲಂಗಾಣ, ಡಿ 10 (DaijiworldNews/DB): ಸುಮಾರು 100 ಮಂದಿಯ ತಂಡವೊಂದು ಮನೆಯೊಂದಕ್ಕೆ ದಾಳಿ ನಡೆಸಿ ದಾಂಧಲೆ ಎಬ್ಬಿಸಿ 24 ವರ್ಷದ ಯುವತಿಯನ್ನು ಪೋಷಕರ ಎದುರೇ ಅಪಹರಿಸಿದ ಘಟನೆ ತೆಲಂಗಾಣ ರಂಗರೆಡ್ಡಿ ಜಿಲ್ಲೆಯಲ್ಲಿ ಶುಕ್ರವಾರ (ಡಿ.9 ರಂದು) ನಡೆದಿದೆ.

  ವೈಶಾಲಿ (24) ಅಪಹರಣಕ್ಕೊಳಗಾದ ಯುವತಿ. ಸುಮಾರು 100 ಮಂದಿ ಯುವಕರು ಯುವತಿ ಮನೆಗೆ ಬಂದು ಮನೆಗೆ ಕಲ್ಲೆಸೆದು ಸಾಮಾಗ್ರಿಗಳನ್ನು ಪುಡಿ ಮಾಡಿದ್ದಾರೆ. ಮನೆ ಮುಂಭಾಗದಲ್ಲಿ ನಿಲ್ಲಿಸಿದ್ದ ಕಾರಿನ ಗಾಜು ಒಡೆದು ಕಾರಿಗೂ ಹಾನಿ ಮಾಡಿದ್ದಾರೆ. ಬಳಿಕ ಪೋಷಕರ ಮುಂದೆಯೇ ಬಲವಂತವಾಗಿ ಯುವತಿಯನ್ನು ಅಪಹರಿಸಿದ್ದಾರೆ.

  ಇನ್ನು ಯುವಕರ ದಾಂಧಲೆಯನ್ನು ತಡೆಯಲು ಬಂದ ಮನೆಯ ಇತರ ಸದಸ್ಯರ ಮೇಲೂ ಹಲ್ಲೆ ನಡೆಸಿದ್ದಾರೆ. ಯಾವ ಕಾರಣಕ್ಕಾಗಿ ಕೃತ್ಯ ಎಸಗಲಾಗಿದೆ ಎಂಬುದು ತಿಳಿದು ಬಂದಿಲ್ಲ. ಘಟನೆಯ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ತನಿಖೆ ನಡೆಸುತ್ತಿದ್ದಾರೆ.

  #WATCH | Ranga Reddy, Telangana | A 24-yr-old woman was kidnapped from her house in Adibatla y'day. Her parents alleged that around 100 youths barged into their house, forcibly took their daughter Vaishali away & vandalised the house. Police say, case registered & probe underway. pic.twitter.com/s1lKdJzd2B

  — ANI (@ANI) December 10, 2022