ನವದೆಹಲಿ, ಡಿ 10 (DaijiworldNews/HR): ಭಾರತ-ಪಾಕಿಸ್ತಾನ ಅಂತಾರಾಷ್ಟ್ರೀಯ ಗಡಿಯಲ್ಲಿ ಭಾರತೀಯ ಗಡಿ ಭದ್ರತಾ ಪಡೆ (ಬಿಎಸ್ಎಫ್) ಮತ್ತು ಪಾಕಿಸ್ತಾನ ರೇಂಜರ್ಗಳ ನಡುವೆ ಗುಂಡಿನ ಚಕಮಕಿ ನಡೆದಿದೆ.
ಅನೂಪ್ವಲಯದ ಗಡಿ ಬೇಲಿ ಬಳಿ ಶುಕ್ರವಾರ ಮಧ್ಯಾಹ್ನ ರೈತರ ಗುಂಪೊಂದು ಕೆಲಸ ಮಾಡುತ್ತಿದ್ದು, ಅಲ್ಲೇ ಸಮೀಪದಲ್ಲಿ ಬಿಎಸ್ಎಫ್ನ ಕಿಸಾನ್ ಗಾರ್ಡ್ ವಿಭಾಗದ ಸಿಬ್ಬಂದಿ ಕಾವಲು ಕಾಯುತ್ತಿದ್ದರು. ಅದೇ ವೇಳೆ ಪಾಕಿಸ್ತಾನಿ ರೇಂಜರ್ಗಳು ಆರೇಳು ಸುತ್ತು ಗುಂಡು ಹಾರಿಸಿದ್ದಾರೆ. ಅದಕ್ಕೆ ಪ್ರತಿಯಾಗಿ ಭಾರತೀಯ ಗಡಿಭದ್ರತಾ ಪಡೆ ಸಿಬ್ಬಂದಿ 18 ಸುತ್ತು ಗುಂಡು ಹಾರಿಸಿ, ಪಾಕ್ ರೇಂಜರ್ಸ್ನ್ನು ಹಿಮ್ಮೆಟ್ಟಿಸಿದ್ದಾರೆ.
ಇನ್ನು ಭಾರತ-ಪಾಕ್ ಎಲ್ಒಸಿ ಮತ್ತು ಎಲ್ಲ ಅಂತಾರಾಷ್ಟ್ರೀಯ ಗಡಿ ಭಾಗಗಳಲ್ಲೂ ಕದನ ವಿರಾಮ ಒಪ್ಪಂದವನ್ನು ಎರಡೂ ರಾಷ್ಟ್ರಗಳೂ ಕಟ್ಟುನಿಟ್ಟಾಗಿ ಪಾಲಿಸುವ ಸಂಬಂಧ ಕಳೆದ ವರ್ಷ ಮಾತುಕತೆಯಾಗಿದೆ.