'ನಾಲ್ವರು ಪತ್ನಿಯರನ್ನು ಹೊಂದುವುದು ಸ್ವಾಭಾವಿಕವಲ್ಲ'-ನಿತಿನ್ ಗಡ್ಕರಿ

•   Sat, Dec 10 2022 10:21:34 AM



• ನವದೆಹಲಿ, ಡಿ 10 (DaijiworldNews/DB): ಒಂದು ಮದುವೆಯಾಗುವುದು ಸಹಜ. ಆದರೆ ನಾಲ್ವರು ಪತ್ನಿಯರನ್ನು ಹೊಂದಿರುವುದು ಸ್ವಾಭಾವಿಕವಲ್ಲ ಎಂದು ಕೇಂದ್ರ ಸಾರಿಗೆ ಸಚಿವ ನಿತಿನ್‌ ಗಡ್ಕರಿ ಹೇಳಿದ್ದಾರೆ.

  ಸುದ್ದಿಸಂಸ್ಥೆಯೊಂದರ ಸಂದರ್ಶನದಲ್ಲಿ ಮಾತನಾಡಿದ ಅವರು, ಜಗತ್ತಿನಲ್ಲಿರುವ ಯಾವುದೇ ಒಂದು ಇಸ್ಲಾಮಿಕ್ ದೇಶದಲ್ಲಿ ಎರಡು ನಾಗರಿಕ ಸಂಹಿತೆ ಇರುವುದನ್ನು ನೋಡಿದ್ದೀರಾ? ಇದ್ದಲ್ಲಿ ಅದು ಯಾವುದೆಂದು ತಿಳಿಸುವಿರಾ ಎಂದು ಪ್ರಶ್ನಿಸಿದ್ದಾರೆ.

  ಮುಸ್ಲಿಂ ಸಮುದಾಯದಲ್ಲಿ ವಿದ್ಯಾವಂತ, ಪ್ರಗತಿಪರ ಚಿಂತನೆ ಹೊಂದಿರುವವರು ಇಂತಹ ಯೋಚನೆ ಮಾಡುವುದಿಲ್ಲ. ಸಮಾನ ನಾಗರಿಕ ಸಂಹಿತೆ ಎನ್ನುವುದು ಯಾವುದೇ ಧರ್ಮದ ವಿರುದ್ದ ಅಲ್ಲ, ಅದು ಎಲ್ಲಾ ನಾಗರಿಕರಿಗೆ ಸಮಾನತ್ವ ಕಲ್ಪಿಸುವುದಾಗಿದೆ ಎಂದರು.

  ಸಮಾನ ನಾಗರಿಕ ಸಂಹಿತೆ ಜಾರಿ ವಿಚಾರವನ್ನು ಯಾರೂ ರಾಜಕೀಯ ದೃಷ್ಟಿಯಿಂದ ನೋಡಬಾರದು. ದೇಶದ ಅಭಿವೃದ್ದಿ ದೃಷ್ಟಿಯಿಂದ ನೋಡಿದರೆ ಪ್ರತಿಯೊಬ್ಬರಿಗೂ ಈ ಕಾನೂನು ಉತ್ತಮ ಎನಿಸುತ್ತದೆ. ಇದರ ಜಾರಿಗಾಗಿ ಪಕ್ಷ ಬೇಧ ಮಾಡದೇ ಎಲ್ಲಾ ರಾಜಕೀಯ ಪಕ್ಷಗಳು ಒಟ್ಟಾಗಿ ಪ್ರಯತ್ನಿಸಬೇಕು ಎಂದರು.