ತಮಿಳುನಾಡಿನಲ್ಲಿ ಮಾಂಡೌಸ್​ ಚಂಡಮಾರುತ - ದರೆಗುರುಳಿದ 200ಕ್ಕೂ ಹೆಚ್ಚು ಮರಗಳು

•   Sat, Dec 10 2022 09:50:07 AM



• ಚೆನ್ನೈ, ಡಿ 10 (DaijiworldNews/HR): ತಮಿಳುನಾಡಿಗೆ ಅಪ್ಪಳಿಸಿರುವ ಮಾಂಡೌಸ್​ ಚಂಡಮಾರುತದಿಂದಾಗಿ ಶುಕ್ರವಾರ ರಾತ್ರಿ, ಚಂಡಮಾರುತ ಗಂಟೆಗೆ 75 ಕಿಮೀ ವೇಗದಲ್ಲಿ ತಮಿಳುನಾಡಿನ ಕರಾವಳಿಯನ್ನು ದಾಟಿದೆ ಎಂದು ಭಾರತೀಯ ಹವಾಮಾನ ಇಲಾಖೆ ತಿಳಿಸಿದೆ.

  ಚಂಡಮಾರುತದ ಪ್ರಭಾವಕ್ಕೆ ವಿಪರೀತ ಮಳೆಯಾಗಿದ್ದು, ರಾತ್ರಿ 10.30ರ ಹೊತ್ತಿಗೆ ಭೂಕುಸಿತ ಉಂಟಾಗಿದೆ. ಆ ಸಮಯದಲ್ಲಿ ತಮಿಳುನಾಡಿನ ಮಹಾಬಲಿಪುರಂ ಕರಾವಳಿ ಹಾಗೂ ಪುದುಚೇರಿ-ಶ್ರೀಹರಿಕೋಟಾ ಮಧ್ಯ ಪ್ರದೇಶಗಳಲ್ಲಿ ಗಾಳಿಯ ವೇಗ ಗಂಟೆಗೆ 75 ಕಿಮೀ ಇತ್ತು.

  ಇನ್ನು ಚೆನ್ನೈನಲ್ಲಂತೂ ರಸ್ತೆಗಳೆಲ್ಲ ಸಂಪೂರ್ಣ ಜಲಾವೃತಗೊಂಡಿದ್ದು, ನಗರದಾದ್ಯಂತ 200 ಮರಗಳು ಬುಡಸಮೇತ ಉರುಳಿಬಿದ್ದಿವೆ. ಚೆಂಗಲ್ಪಟ್ಟು ಜಿಲ್ಲೆಯ ಈಸ್ಟ್ ಕೋಸ್ಟ್​ ರಸ್ತೆ ಮತ್ತು ಜಿಎಸ್​ಟಿ ರಸ್ತೆಗಳಲ್ಲಿ ಕೂಡ ಮರ ಬಿದ್ದು, ಸಂಚಾರಕ್ಕೆ ತೊಡಕಾಗಿದೆ. ವಿದ್ಯುತ್​ ಕಡಿತವೂ ಉಂಟಾಗಿದೆ.

  ಮಾಂಡೌಸ್​​ನಿಂದಾಗಿ ಹವಾಮಾನ ಬದಲಾವಣೆಯಾಗಿದ್ದರಿಂದ ಮತ್ತು ಭೂಕುಸಿತ ಆಗುತ್ತಿರುವುದರಿಂದ ಚೆನ್ನೈ ಏರ್​ಪೋರ್ಟ್​ನಿಂದ ವಿಮಾನ ಸಂಚಾರ ಸ್ಥಗಿತಗೊಂಡಿದೆ.