ಪ್ರಿಯಕರನ ಪತ್ನಿ, ಮಗುವಿನ‌ ಮೇಲೆ ಆಸಿಡ್​ ಎರಚಿದ ಯುವತಿ ಪೊಲೀಸರ ಅತಿಥಿ!

•   Wed, Dec 07 2022 02:17:01 PM



• ನಾಗ್ಪುರ, ಡಿ 7 (DaijiworldNews/HR): ನಾಗ್ಪುರದಲ್ಲಿ ಪ್ರಿಯಕರನ ಪತ್ನಿ ಮತ್ತು ಆತನ ಮಗುವಿನ ಮೇಲೆ ಯುವತಿಯೊಬ್ಬಳು ಆಸಿಡ್​ ಎರಚಿರುವ ಭಯಾನಕ ಘಟನೆ ನಡೆದಿದ್ದು, ಘಟನೆಗೆ ಸಂಬಂಧಿಸಿದಂತೆ ಯುವತಿಯನ್ನು ಪೊಲೀಸರು ಬಂಧಿಸಿದ್ದಾರೆ.

  ತಾನು ಸಂಬಂಧ ಹೊಂದಿದ್ದ ಯುವಕನಿಗೆ ಇದಾಗಲೇ ಮದುವೆಯಾಗಿ ಮಗುವು ಇದ್ದು, ಇದೇ ವಿಷಯವಾಗಿ ಆತನ ಪತ್ನಿ ಮತ್ತು ಆರೋಪಿ ಯುವತಿಯ ನಡುವೆ ಜಗಳವಾಗುತ್ತಿತ್ತು. ಆತ ತನ್ನ ಪ್ರಿಯಕರನಾಗಿದ್ದು, ದೂರ ಇರುವಂತೆ ಪತ್ನಿಗೆ ಈಕೆ ಒತ್ತಾಯಿಸುತ್ತಿದ್ದಳು. ಆದರೆ ಇದಾಗಲೇ ಮದುವೆಯಾಗಿರುವ ಕಾರಣ ಪತ್ನಿ ಕೂಡ ಜಗಳ ಮಾಡಿದ್ದಳು.

  ಇನ್ನು ಇದರಿಂದ ಪ್ರಿಯಕರನ ಜತೆಗೂಡಿ ಯುವತಿಯು ಪ್ರಿಯಕರನ ಪತ್ನಿ ಮತ್ತು ಆತನ ಮಗುವಿನ ಮೇಲೆ ಆಸಿಡ್ ಎರಚಿದ್ದಾಳೆ.

  ತಾಯಿ ಮತ್ತು ಮಗುವಿಗೆ ತೀವ್ರ ಗಾಯಗಳಾಗಿದ್ದು, ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.