ಟ್ರಕ್‌ಗಳೆರಡರ ಮಧ್ಯೆ ಸಿಲುಕಿದ ಟಾಟಾ ಏಸ್ ವಾಹನ-6 ಪ್ರಯಾಣಿಕರು ದುರ್ಮರಣ

•   Wed, Dec 07 2022 10:47:04 AM



• ಚೆಂಗಲ್ಪಟ್ಟು, ಡಿ 07 (DaijiworldNews/DB): ಟಾಟಾ ಏಸ್ ವಾಹನವು ಎರಡು ಟ್ರಕ್‌ಗಳ ಮಧ್ಯೆ ಸಿಲುಕಿ ಆರು ಮಂದಿ ಪ್ರಯಾಣಿಕರು ಛಿದ್ರಗೊಂಡು ಸಾವನ್ನಪ್ಪಿದ ಘಟನೆ ತಮಿಳುನಾಡಿನ ಚೆಂಗಲ್ಪಟ್ಟು ಜಿಲ್ಲೆಯ ಮಧುರಾಂತಕದಲ್ಲಿ ಇಂದು ಮುಂಜಾನೆ ನಡೆದಿದೆ.

  ಪ್ರಯಾಣಿಕರು ತಿರುವಣ್ಣಾಮಲೈ ಕಾರ್ತಿಕೈ ದೀಪಾವಳಿಗೆ ಹೋಗಿ ಹಿಂತಿರುಗುತ್ತಿದ್ದಾಗ ಅಪಘಾತ ಸಂಭವಿಸಿದೆ. ಟಾಟಾ ಏಸ್‌ನಲ್ಲಿ 15 ಮಂದಿ ಪ್ರಯಾಣಿಸುತ್ತಿದ್ದು, ಆರು ಮಂದಿ ಸಾವನ್ನಪ್ಪಿದರೆ, ಹಲವರು ಗಾಯಗೊಂಡಿದ್ದಾರೆ. ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಮೃತದೇಹಗಳನ್ನು ಚೆಂಗಲ್ಪಟ್ಟು ಸರ್ಕಾರಿ ಆಸ್ಪತ್ರೆಗೆ ಕೊಂಡೊಯ್ಯಲಾಗಿದೆ.

  ಟಾಟಾ ಏಸ್ (ಸರಕು ವಾಹನ) ಚೆಂಗಲ್ಪಟ್ಟು ಜಿಲ್ಲೆಯ ಮಧುರಾಂಡಕಂ ಬಳಿ ಚೆನ್ನೈ-ತಿರುಚಿ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಚೆನ್ನೈ ಕಡೆಗೆ ಪ್ರಯಾಣಿಸುತ್ತಿತ್ತು. ಈ ವೇಳೆ ಎದುರಿನಲ್ಲಿ ಬಂದ ಕಂಟೈನರ್‍ ಲಾರಿಗೆ ಢಿಕ್ಕಿ ಹೊಡೆದಿದೆ. ಆ ವೇಳೆ ಹಿಂದೆ ಇನ್ನೊಂದು ಲಾರಿ ಬಂದಿದ್ದು, ಅದು ನಿಯಂತ್ರಣ ತಪ್ಪಿ ಟಾಟಾ ಏಸ್‌ಗೆ ಢಿಕ್ಕಿ ಹೊಡೆದಿದೆ. ಹಿಂದಿನಿಂದ ಮತ್ತು ಮುಂದಿನಿಂದ ಲಾರಿಗಳೆರಡು ಢಿಕ್ಕಿ ಹೊಡೆದ ಪರಿಣಾಮ ಟಾಟಾ ಏಸ್‌ ಮಧ್ಯದಲ್ಲಿ ಬಾಕಿಯಾಗಿದ್ದು, ಅದರೊಳಗಿದ್ದ ಆರು ಮಂದಿ ಪ್ರಯಾಣಿಕರು ವಾಹನಗಳ ನಡುವೆ ಸಿಲುಕಿ ದೇಹ ಛಿದ್ರಗೊಂಡಿತ್ತು ಎಂದು ತಿಳಿದು ಬಂದಿದೆ.