ನವದೆಹಲಿ, ಡಿ 06 (DaijiworldNews/HR): ಉತ್ತರ ಪ್ರದೇಶದ ನೋಯ್ಢಾದಲ್ಲಿ ದುಬಾರಿ ಕಾರೊಂದು ಸ್ಕೂಟರ್ ಗೆ ಢಿಕ್ಕಿ ಹೊಡೆದ ಪರಿಣಾಮ ಯುವತಿಯೊಬ್ಬಳು ಮೃತಪಟ್ಟ ಘಟನೆ ನಡೆದಿದೆ.
ಘಟನೆಯಲ್ಲಿ ಸ್ಕೂಟರ್ ಸವಾರೆ ದೀಪಿಕಾ ತ್ರಿಪಾಠಿ (24) ಮೃತಪಟ್ಟಿದ್ದಾರೆ.
ದೀಪಿಕಾ ತನ್ನ ಸ್ಕೂಟರ್ ನಲ್ಲಿ ಆಫೀಸ್ ಗೆ ಹೊರಟಿದ್ದು, ಸೆಕ್ಟರ್ 96 ಹತ್ತಿರದ ಡಿವೈಡರ್ ಬಳಿ ಸ್ಕೂಟರ್ ಯೂ ಟರ್ನ್ ಮಾಡಲು ಹೋಗಿದ್ದಾರೆ. ಈ ವೇಳೆ ವೇಗವಾಗಿ ಬಂದ ಜಾಗ್ವಾರ್ ಕಾರು ಸ್ಕೂಟರ್ ಗೆ ಢಿಕ್ಕಿ ಹೊಡೆದಿದೆ.
ಇನ್ನು ಕಾರು ಚಾಲಕನನ್ನು ಹರಿಯಾಣ ಮೂಲದ ಸ್ಯಾಮ್ಯುಯೆಲ್ ಆಂಡ್ರ್ಯೂ ಪಿಸ್ಟರ್ ಎಂದು ಗುರುತಿಸಲಾಗಿದ್ದು, ಘಟನೆ ಬಳಿಕ ಈತ ಕಾರು ಬಿಟ್ಟು ಪರಾರಿ ಆಗಿದ್ದ, ಪೊಲೀಸರು ಆ ಬಳಿಕ ಚಾಲಕನನ್ನು ಬಂಧಿಸಿದ್ದಾರೆ.