ಬೆಂಗಳೂರು, ಡಿ 06( DaijiworldNews/MS): ಬೆಂಗಳೂರು ಮೂಲದ ಪದ್ಮಿನಿ ಜೋಗ್ ತಮ್ಮ 78ವಯಸ್ಸಿನಲ್ಲೂ 12,300 ಅಡಿ ಎತ್ತರಕ್ಕೆ ತೆರಳಿ ಯೋಧರಿಗೆ ಯೋಗ ಕಲಿಸಿ ಬಂದಿದ್ದಾರೆ.
ಕಾಶ್ಮೀರದ ಕುಪ್ವಾರ ಜಿಲ್ಲೆಯ ಗಡಿ ನಿಯಂತ್ರಣ ರೇಖೆಯಲ್ಲಿ 12,300 ಅಡಿ ಎತ್ತರದಲ್ಲಿರುವ ಔಟ್ಪೋಸ್ಟ್ಗಳಲ್ಲಿ ನಿಯೋಜಿಸಲಾದ ಸೈನಿಕರಿಗೆ ಯೋಗ ಕಲಿಸಿತ್ತಿದ್ದಾರೆ.ಈ ವಯಸ್ಸಿನಲ್ಲಿಯೂ ತುಂಬಿದ ಉತ್ಸಾಹ ಹಾಗೂ ಸೈನಿಕರ ಬಗ್ಗೆ ಅಪಾರ ಕಾಳಜಿ ಹೊಂದಿರುವ ಪದ್ಮಿನಿ ಅವರು ಅವರಿಗಾಗಿ 12,300 ಅಡಿ ಎತ್ತರಕ್ಕೆ ತೆರಳಿ ಪ್ರಾಣಾಯಾಮ ಹಾಗೂ ಯೋಗ ಹೇಳಿಕೊಟ್ಟಿದ್ದಾರೆ.
ಸೈನಿಕರು ಮಾನಸಿಕ ಹಾಗೂ ದೈಹಿಕವಾಗಿ ಸಧೃಢವಾಗಿರಲು ಯೋಗ ಅತ್ಯುತ್ತಮವಾಗಿದೆ. ಸದ್ಯ ನಾಗ್ಪುರದಲ್ಲಿ ನೆಲೆಸಿರುವ ಪದ್ಮಿನಿಯವರು ಸುಮಾರು 20 ವರ್ಷಗಳಿಂದ ಭದ್ರತಾ ಪಡೆ ಸಿಬ್ಬಂದಿಗೆ ಯೋಗ ಬೋಧಕರಾಗಿದ್ದಾರೆ.
ಪದ್ಮಿನಿ ಅವರ ಪತಿ ಭಾರತೀಯ ಸೇನೆಯಲ್ಲಿ ಅಧಿಕಾರಿಯಾಗಿದ್ದ ಲೆಫ್ಟಿನೆಂಟ್ ಕರ್ನಲ್ ಪ್ರತಾಪ್ ಜೋಗ್ ಅವರೊಂದಿಗೆ ಪದ್ಮಿನಿ ದೇಶಾದ್ಯಂತ ಪ್ರಯಾಣಿಸುತ್ತಿದ್ದರು.ಕರ್ನಲ್ ಪ್ರತಾಪ್ ಜೋಗ್ ಅವರು ಇಹಲೋಕ ತ್ಯಜಿಸಿದ ನಂತರ ಪದ್ಮಿನಿ ಸೈನಿಕರಿಗೆ ಯೋಗ ಕಲಿಸುವ ಮೂಲಕ ಪತಿಯ ಹಾದಿಯಲ್ಲೇ ನಡೆಯುತ್ತಿದ್ದಾರೆ.