ನವದೆಹಲಿ ಡಿ 03(DaijiworldNews/MS): ಶ್ರದ್ಧಾಳನ್ನು ತಾನೇ ಹತ್ಯೆ ಮಾಡಿರುವುದಾಗಿ ಮಂಪರು ಪರೀಕ್ಷೆಯಲ್ಲಿ ಒಪ್ಪಿಕೊಂಡಿರುವ ಆರೋಪಿ ಅಫ್ತಾಬ್ ಕೊಲೆಗೆ ಸಂಬಂಧಿಸಿದಂತೆ ಸಾಕಷ್ಟು ಭಯಾನಕ ಸತ್ಯಗಳನ್ನು ಬಾಯ್ಬಿಟ್ಟಿದ್ದಾನೆ.
ಆಕೆಯನ್ನು ಮೊದಲು ಉಸಿರುಗಟ್ಟಿಸಿ ಕೊಂದ ಬಳಿಕ ಚೈನೀಸ್ ಚಾಕು ಬಳಸಿಕೊಂಡು ದೇಹವನ್ನು 35 ಪೀಸ್ ಮಾಡಿದೆ. ಮೊದಲು ಕೈಗಳನ್ನು ಕತ್ತರಿಸಿದ್ದು, ನಂತರ ಒಂದೊಂದೇ ಭಾಗವನ್ನು ಕೊಯ್ದು ಚೀಲದಲ್ಲಿ ತುಂಬಿಸಿ ಪ್ರಿಡ್ಜ್ನಲ್ಲಿ ಇಟ್ಟಿದ್ದೆ ಎಂದು ಆತ ಹೇಳಿದ್ದಾನೆ ಎನ್ನಲಾಗಿದೆ.
ಮೃತದೇಹ ಕತ್ತರಿಸಲು ಯಾವ ಆಯುಧ ಬಳಸಿದ್ದ ಎಂಬುದನ್ನು ಇಷ್ಟುದಿನ ಹೇಳಿರದ ಕಾರಣ ಇದೀಗ ಪೊಲೀಸರು ಮಾಂಸ ಕತ್ತರಿಸಲು ಬಳಸುವ ಚೀನಿ ಕ್ಲೀವರ್ಗಾಗಿ ಹುಡುಕಾಟ ಆರಂಭಿಸಿದ್ದಾರೆ ಎನ್ನಲಾಗಿದೆ.