ಜರ್ಮನ್‌ ಯುವತಿಯಿಂದ ಭಾರತದಲ್ಲಿ ಈರುಳ್ಳಿ ಕೃಷಿ!

•   Sun, Nov 13 2022 02:41:50 PM



• ಜೈಪುರ, ನ 13 (DaijiworldNews/DB): ಜರ್ಮನ್ ಮಹಿಳೆಯೊಬ್ಬರು ಭಾರತದ ಹೊಲದಲ್ಲಿ ಈರುಳ್ಳಿ ಬೆಳೆದು ಕೃಷಿ ಪ್ರೇಮ ಮೆರೆದಿದ್ದಾರೆ. ಮಹಿಳೆಯ ಈ ಸಾಧನೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಶಂಸೆ ವ್ಯಕ್ತವಾಗಿದೆ.

  ಜೂಲಿ ಶರ್ಮಾ ಎಂಬಾಕೆಯೇ ಈರುಳ್ಳಿ ಬೆಳೆದ ಮಹಿಳೆ. ಭಾರತದ ಅರ್ಜುನ್ ಎಂಬ ಯುವಕನನ್ನು ವರಿಸಿ ಜೈಪುರದಲ್ಲಿ ವಾಸಿಸುತ್ತಿರುವ ಜೂಲಿ ಶರ್ಮಾ ಈರುಳ್ಳಿ ಬಿತ್ತನೆ ಮಾಡಿ ಫಸಲು ತೆಗೆದಿದ್ದಾರೆ. ಅತ್ತೆಯೊಂದಿಗೆ ನಿತ್ಯ ಹೊಲದಲ್ಲಿ ಕೆಲಸ ಮಾಡುತ್ತಿದ್ದಾರೆ.

  ಕಳೆದೊಂದು ತಿಂಗಳಿನಿಂದ ಪತಿಯೊಂದಿಗೆ ಹಳ್ಳಿಯಲ್ಲಿ ವಾಸಿಸುತ್ತಿರುವ ತಾನು ಪ್ರಕೃತಿಗೆ ಹತ್ತಿರವಾಗಿ ಬದುಕುತ್ತಿದ್ದೇನೆ. ಇದು ಖುಷಿಯಾಗುತ್ತಿದೆ ಎಂದು ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ಜೂಲಿ ಹಂಚಿಕೊಂಡಿದ್ದಾರೆ. ಜೂಲಿಯ ಕೃಷಿ ಪ್ರೇಮಕ್ಕೆ ಹಲವರು ಮೆಚ್ಚುಗೆ ಸೂಚಿಸಿದ್ದಾರೆ.