ರಾತ್ರಿ 9ರವರೆಗೆ ಪತಿಗೆ ಕರೆ ಮಾಡಿ ಕಿರಿಕಿರಿ ಮಾಡಲ್ಲ-ಒಪ್ಪಂದ ಪತ್ರಕ್ಕೆ ಸಹಿ ಹಾಕಿದ ವಧು!

•   Sun, Nov 13 2022 01:07:18 PM



• ಕೇರಳ, ನ 13 (DaijiworldNews/DB): ಪತಿಗೆ ರಾತ್ರಿ 9 ಗಂಟೆಯವರೆಗೂ ಅವರ ಸ್ನೇಹಿತರೊಂದಿಗೆ ಸಮಯ ಕಳೆಯಲು ಅವಕಾಶ ನೀಡುತ್ತೇನೆ, ಆ ಸಮಯದಲ್ಲಿ ಕರೆ ಮಾಡಿ ಕಿರಿಕಿರಿ ಮಾಡಲಾರೆ ಎಂಬ ಒಪ್ಪಂದವೊಂದಕ್ಕೆ ಪತ್ನಿ ಸಹಿ ಹಾಕಿದ್ದಾಳೆ! ಈ ಪ್ರಸಂಗ ಇತ್ತೀಚೆಗೆ ಕೇರಳದಲ್ಲಿ ನಡೆದ ಮದುವೆಯಲ್ಲಿ ನಡೆದಿದೆ.

  ಕೇರಳದ ರಘು ಎಸ್. ಹಾಗೂ ಅರ್ಚನಾ ಅವರ ವಿವಾಹವು ನವೆಂಬರ್ 5ರಂದು ಪಾಲಕ್ಕಾಡ್‌ನ ಕಂಜಿಕೋಡ್‌ನಲ್ಲಿ ನಡೆದಿದ್ದು, ಈ ವೇಳೆ ಅರ್ಚನಾಗೆ ರಘು ಸ್ನೇಹಿತರು ಒಪ್ಪಂದದ ಪತ್ರವನ್ನು ಉಡುಗೊರೆಯಾಗಿ ನೀಡಿ 50 ರೂಪಾಯಿಗಳ ಸ್ಟ್ಯಾಂಪ್ ಪೇಪರ್‌ನಲ್ಲಿ ಒಪ್ಪಂದಕ್ಕೆ ಸಹಿ ಹಾಕುವಂತೆ ಹೇಳಿದ್ದಾರೆ. ಪತಿಗೆ ರಾತ್ರಿ 9 ಗಂಟೆಯವರೆಗೂ ಅವರ ಸ್ನೇಹಿತರೊಂದಿಗೆ ಕಾಲ ಕಳೆಯಲು ಅನುಮತಿ ನೀಡುತ್ತೇನೆ, ಆ ಸಮಯದಲ್ಲಿ ಕರೆ ಮಾಡಿ ಕಿರಿಕಿರಿ ಮಾಡುವುದಿಲ್ಲ ಎಂದು ಬರೆದಿರುವ ಆ ಒಪ್ಪಂದ ಪತ್ರಕ್ಕೆ ವಧು ಅರ್ಚನಾ ಸಹಿ ಹಾಕಿದ್ದಾರೆ.

  ಸ್ನೇಹಿತರು ತಮಾಷೆಗಾಗಿ ರೂಪಿಸಿ ಸಹಿ ಹಾಕಿಸಿಕೊಂಡ ಈ ಉಡುಗೊರೆ ರೂಪದ ಒಪ್ಪಂದ ಪತ್ರವು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.