'ಅಹಂಕಾರ, ನಾಚಿಕೆಗೇಡು'-ಪ್ರಧಾನಿ ಮಾತಿಗೆ ನಟ ಪ್ರಕಾಶ್ ರಾಜ್ ವ್ಯಂಗ್ಯ

•   Sat, Nov 12 2022 06:34:31 PM



• ಬೆಂಗಳೂರು, ನ 12 (DaijiworldNews/DB): ಪ್ರತಿದಿನ 2ರಿಂದ 2.5 ಕೆಜಿಯಷ್ಟು ಬೈಗುಳಗಳನ್ನು ಕೇಳುತ್ತೇನೆ ಎಂದು ಪ್ರಧಾನಿ ನರೇಂದ್ರ ಮೋದಿಯವರ ಮಾತಿಗೆ ನಟ ಪ್ರಕಾಶ್ ರಾಜ್ ವ್ಯಂಗ್ಯವಾಡಿದ್ದಾರೆ. ಅಹಂಕಾರ ಮತ್ತು ನಾಚಿಕೆಗೇಡು ಎಂದು ಇದನ್ನೇ ಕರೆಯುತ್ತಾರೆ ಎಂದು ಲೇವಡಿ ಮಾಡಿದ್ದಾರೆ.

  ತೆಲಂಗಾಣದಲ್ಲಿ ಕಾರ್ಯಕರ್ತರನ್ನುದ್ದೇಶಿಸಿ ಮಾತನಾಡಿದ ಪ್ರಧಾನಿ ನರೇಂದ್ರ ಮೋದಿಯವರು, ನಾನು ಪ್ರತಿದಿನ 2 ರಿಂದ 2.5 ಕೆಜಿಯಷ್ಟು ಬೈಗುಳ ತಿನ್ನುತ್ತೇನೆ ಮತ್ತು ಅದೇ ನನಗೆ ಪೌಷ್ಠಿಕಾಂಶ ಎಂದಿದ್ದರು. ಈ ವೀಡಿಯೋವನ್ನು ತಮ್ಮ ಟ್ವಿಟರ್ ಖಾತೆಯಲ್ಲಿ ಪ್ರಧಾನಿ ಮೋದಿ ಪ್ರಕಟಿಸಿದ್ದರು. ಈ ವೀಡಿಯೋವನ್ನು ಹಂಚಿಕೊಂಡ ನಟ ಪ್ರಕಾಶ್ ರಾಜ್, ಇದನ್ನು ನಾಚಿಕೆಗೇಡು ಮತ್ತು ಅಹಂಕಾರ ಎಂದು ಕರೆಯುತ್ತಾರೆ ಎಂದು ಬರೆದುಕೊಂಡಿದ್ದಾರೆ.

  ನನಗೆ ಮತ್ತು ಬಿಜೆಪಿಗೆ ನಿಂದಿಸಿದರೆ ನಿಂದಿಸಲಿ. ಆದರೆ ತೆಲಂಗಾಣದ ಜನತೆಗೆ ನಿಂದಿಸಿದರೆ ಅದಕ್ಕೆ ತಕ್ಕ ಉತ್ತರವನ್ನು ಚುನಾವಣೆಯಲ್ಲಿ ನೀಡುತ್ತಾರೆ ಎಂದು ಮೋದಿ ಹೇಳಿದ್ದರು. ಅಲ್ಲದೆ, ನನಗೆ ಬೈದದಕ್ಕೆ ನೀವು ದಾರಿ ತಪ್ಪಬೇಡಿ ಎಂದೂ ಕಾರ್ಯಕರ್ತರನ್ನು ಎಚ್ಚರಿಸಿದ್ದರು.

  Isn’t that called Arrogance and Shamelessness .. #justasking https://t.co/WPkPzpKRIS

  — Prakash Raj (@prakashraaj) November 12, 2022