ಮಹಾರಾಷ್ಟ್ರ, ನ 11 (DaijiworldNews/DB): ಸಾಫ್ಟ್ವೇರ್ ಎಂಜಿನಿಯರ್ ಆಗಬೇಕೆಂಬ ಕನಸು ಹೊಂದಿದ ಶಾಲಾ ಬಾಲಕನಿಗೆ ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಲ್ಯಾಪ್ಟಾಪ್ನ್ನು ಉಡುಗೊರೆಯಾಗಿ ನೀಡಿದ್ದಾರೆ.
ಬಾಲಕರಿಗೆ ಟ್ಯಾಬ್ಲೆಟ್ ಬಳಕೆಯನ್ನು ವಿವರಿಸುತ್ತಿರುವ ರಾಹುಲ್ ಗಾಂಧಿ
ಮಹಾರಾಷ್ಟ್ರದ ನಾಂದೇಡ್ನ ಶಾಲಾ ಬಾಲಕ ಸರ್ವೇಶ್ ಎಂಬಾತನೇ ಖರ್ಗೆಯವರಿಂದ ಲ್ಯಾಪ್ಟಾಪ್ ಉಡುಗೊರೆ ಪಡೆದುಕೊಂಡಾತ. ಇಲ್ಲಿ ನಡೆದ ಭಾರತ್ ಜೋಡೋ ಯಾತ್ರೆ ರ್ಯಾಲಿ ವೇಳೆ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅವರು ಬಾಲಕ ಸರ್ವೇಶ್ನನ್ನು ಭೇಟಿಯಾಗಿದ್ದರು. ಈ ವೇಳೆ ಬಾಲಕ ತನಗೆ ಸಾಫ್ಟ್ವೇರ್ ಎಂಜಿನಿಯರ್ ಆಗಬೇಕೆಂಬ ಇಚ್ಚೆಯಿದೆ. ಆದರೆ ನಮ್ಮ ಶಾಲೆಯಲ್ಲಿ ಕಂಪ್ಯೂಟರ್ ಇಲ್ಲದ ಕಾರಣ ತಾನು ಕಂಪ್ಯೂಟರ್ ನೋಡಿಯೇ ಇಲ್ಲ ಎಂದು ನೋವು ತೋಡಿಕೊಂಡಿದ್ದ.
ಬಾಲಕ ಹೇಳಿದ ವಿಚಾರವನ್ನು ರ್ಯಾಲಿಯ ಭಾಷಣದಲ್ಲಿ ರಾಹುಲ್ ಗಾಂಧಿ ಉಲ್ಲೇಖಿಸಿದ್ದರು. ಬಳಿಕ ಸರ್ವೇಶ್ನ ಸ್ನೇಹಿತನಿಗೆ ತನ್ನ ಟ್ಯಾಬ್ನ್ನು ತೋರಿಸುತ್ತಾ ಅದನ್ನು ಬಳಸುವುದು ಹೇಗೆ ಎಂಬುದನ್ನು ರಾಹುಲ್ ಗಾಂಧಿಯವರು ವಿವರಿಸುತ್ತಿರುವ ಫೋಟೋವನ್ನು ಕಾಂಗ್ರೆಸ್ ತನ್ನ ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿತ್ತು. ಇದಾದ ಬಳಿಕ ರಾಹುಲ್ ಗಾಂಧಿ ಸಮ್ಮುಖದಲ್ಲಿ ಮಲ್ಲಿಕಾರ್ಜುನ ಖರ್ಗೆ ಅವರು ಬಾಲಕ ಸರ್ವೇಶ್ಗೆ ಲ್ಯಾಪ್ಟಾಪ್ನ್ನು ಹಸ್ತಾಂತರಿಸಿದರು.