ಕೆಂಪೇಗೌಡ ಏರ್ ಪೋರ್ಟ್ ಟರ್ಮಿನಲ್ -2 ಉದ್ಘಾಟನೆ

•   Fri, Nov 11 2022 11:57:10 AM



• ಬೆಂಗಳೂರು, ನ 11 (DaijiworldNews/MS): ಸುಮಾರು ರೂ. 5000 ಕೋಟಿ ವೆಚ್ಚದಲ್ಲಿ ನಿರ್ಮಿಸಿರುವ ಬೆಂಗಳೂರಿನ ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ಟರ್ಮಿನಲ್ 2 ಅನ್ನು ಪ್ರಧಾನಿ ಮೋದಿ ಇಂದು ಲೋಕಾರ್ಪಣೆಗೊಳಿಸಿದ್ದಾರೆ.

  ಟರ್ಮಿನಲ್ 2 ಉದ್ಘಾಟನೆಯೊಂದಿಗೆ, ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ಪ್ರಯಾಣಿಕರ ನಿರ್ವಹಣಾ ಸಾಮರ್ಥ್ಯ ಮತ್ತು ಚೆಕ್-ಇನ್ ಮತ್ತು ಇಮಿಗ್ರೇಷನ್ ಕೌಂಟರ್‌ಗಳು ದ್ವಿಗುಣಗೊಂಡಿವೆ.

  ಟರ್ಮಿನಲ್ 2 ಅನ್ನು ಉದ್ಯಾನ ನಗರಿ ಬೆಂಗಳೂರಿನ ಗೌರವಾರ್ಥವಾಗಿ ವಿನ್ಯಾಸಗೊಳಿಸಲಾಗಿದೆ. ಈ ಟರ್ಮಿನಲ್ ನಲ್ಲಿ ಕೃತಕವಾಗಿ ನಿಸರ್ಗ ಸೃಷ್ಟಿಸಲಾಗಿದೆ. ಈ ಟ್ರಮಿನಲ್ ನಲ್ಲಿ "ಉದ್ಯಾನದಲ್ಲಿ ನಡಿಗೆ" ಯ ಅನುಭವವನ್ನು ಪ್ರಯಾಣಿಕರ ಪ್ರಯಾಣಿಕರು ಪಡೆಯಲಿದ್ದಾರೆ.

  ಕೃತಕ ಜಲಧಾರೆ, ಆಕರ್ಷಕ ಮರಗಿಡಗಳು, ಆಧುನಿಕ ತಂತ್ರಜ್ಞಾನದ ಲೈಟಿಂಗ್, ಹಕ್ಕಿಗಳ ಕಲರವ ಕೇಳಿಸುವ ವ್ಯವಸ್ಥೆ ಮಾಡಲಾಗಿದೆ.