ಅದ್ಬುತ ವಿನ್ಯಾಸದ ಬೆಂಗಳೂರು ಕೆಂಪೇಗೌಡ ಏರ್ ಪೋರ್ಟ್ ಟರ್ಮಿನಲ್-2

•   Wed, Nov 09 2022 01:40:09 PM



• ಬೆಂಗಳೂರು, ನ 09 (DaijiworldNews/MS): ಸುಮಾರು ರೂ. 5000 ಕೋಟಿ ವೆಚ್ಚದಲ್ಲಿ ನಿರ್ಮಿಸಿರುವ ಬೆಂಗಳೂರಿನ ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ಟರ್ಮಿನಲ್ 2 ಅನ್ನು ಪ್ರಧಾನಿ ಮೋದಿ ನವೆಂಬರ್ 11 ರಂದು ಉದ್ಘಾಟಿಸಲಿದ್ದಾರೆ.

  ಟರ್ಮಿನಲ್ 2 ಉದ್ಘಾಟನೆಯೊಂದಿಗೆ, ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ಪ್ರಯಾಣಿಕರ ನಿರ್ವಹಣಾ ಸಾಮರ್ಥ್ಯ ಮತ್ತು ಚೆಕ್-ಇನ್ ಮತ್ತು ಇಮಿಗ್ರೇಷನ್ ಕೌಂಟರ್‌ಗಳು ದ್ವಿಗುಣಗೊಳ್ಳಲಿವೆ. ಇದರಿಂದಾಗಿ ಪ್ರಸ್ತುತ 2.5 ಕೋಟಿಯಿಂದ, ಮುಂದೆ ವಾರ್ಷಿಕವಾಗಿ ಸುಮಾರು 5-6 ಕೋಟಿ ಪ್ರಯಾಣಿಕರನ್ನು ನಿಭಾಯಿಸಲು ಸಾಧ್ಯವಾಗುತ್ತದೆ.

  ಟರ್ಮಿನಲ್ 2 ಅನ್ನು ಉದ್ಯಾನ ನಗರಿ ಬೆಂಗಳೂರಿನ ಗೌರವಾರ್ಥವಾಗಿ ವಿನ್ಯಾಸಗೊಳಿಸಲಾಗಿದೆ. ಈ ಟರ್ಮಿನಲ್ ನಲ್ಲಿ ಕೃತಕವಾಗಿ ನಿಸರ್ಗ ಸೃಷ್ಟಿಸಲಾಗಿದೆ. ಈ ಟ್ರಮಿನಲ್ ನಲ್ಲಿ "ಉದ್ಯಾನದಲ್ಲಿ ನಡಿಗೆ" ಯ ಅನುಭವವನ್ನು ಪ್ರಯಾಣಿಕರ ಪ್ರಯಾಣಿಕರು ಪಡೆಯಲಿದ್ದಾರೆ.

  ಕೃತಕ ಜಲಧಾರೆ, ಆಕರ್ಷಕ ಮರಗಿಡಗಳು, ಆಧುನಿಕ ತಂತ್ರಜ್ಞಾನದ ಲೈಟಿಂಗ್, ಹಕ್ಕಿಗಳ ಕಲರವ ಕೇಳಿಸುವ ವ್ಯವಸ್ಥೆ ಮಾಡಲಾಗಿದೆ.

  ಪ್ರಯಾಣಿಕರು 10,000ಕ್ಕೂ ಹೆಚ್ಚು ಚದರ ಮೀಟರ್‌ಗಳಷ್ಟು ಹಸಿರು ಗೋಡೆಗಳು, ನೇತಾಡುವ ಉದ್ಯಾನಗಳು ಮತ್ತು ಹೊರಾಂಗಣ ಉದ್ಯಾನಗಳ ಮೂಲಕ ಪ್ರಯಾಣಿಸುತ್ತಾರೆ ಮತ್ತು ಈ ಉದ್ಯಾನಗಳನ್ನು ಸ್ಥಳೀಯ ತಂತ್ರಜ್ಞಾನವನ್ನು ಬಳಸಿಕೊಂಡು ರಚಿಸಲಾಗಿದೆ.