ಹೈದರಾಬಾದ್, ನ 08 (DaijiworldNews/DB): ಕುಡಿದ ಅಮಲಿನಲ್ಲಿದ್ದ ತಂದೆಯೊಬ್ಬ ತನ್ನ ಎರಡು ವರ್ಷದ ಮಗುವನ್ನು ಅಳುತ್ತಿದ್ದ ಕಾರಣಕ್ಕೆ ಹತ್ಯೆ ಮಾಡಿದ ಘಟನೆ ಹೈದರಾಬಾದ್ನಲ್ಲಿ ನಡೆದಿದೆ.
ಸುಧಾಕರ್ ಆರೋಪಿ ತಂದೆ. ಎರಡು ವರ್ಷದ ಮಗು ಜೀವನ್ ಕೊಲೆಯಾದ ಬಾಲಕ. ಸೋಮವಾರ ರಾತ್ರಿ 9.30 ರ ಸುಮಾರಿಗೆ ಘಟನೆ ನಡೆದಿದೆ. ಮದ್ಯಪಾನ ಮಾಡಿ ಮನೆಗೆ ಬಂದ ತಂದೆ ಎರಡು ವರ್ಷದ ಪುತ್ರ ಅಳುತ್ತಿರುವುದುನ್ನು ನೋಡಿ ಆತನ ಮೇಲೆ ಹಲ್ಲೆ ಮಾಡಿದ್ದಾನೆ. ತೀವ್ರ ಹಲ್ಲೆ ನಡೆಸಿದ್ದರಿಂದ ಮಗು ಗಂಭೀರ ಗಾಯಗೊಂಡು ಸಾವನ್ನಪ್ಪಿದೆ.
ಘಟನೆ ಸಂಬಂಧ ಆರೋಪಿಯ ಪತ್ನಿ ದಿವ್ಯಾ ಅವರು ನೇರಡ್ಮೆಟ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದು, ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ. ಆರೋಪಿಯ ವಿರುದ್ದ ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 302 ರ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.
2019 ರಲ್ಲಿ ಮದುವೆಯಾದ ದಿವ್ಯಾ ಮತ್ತು ಸುಧಾಕರ್ ನೇರಡ್ಮೆಟ್ನ ಜೆಪಿ ನಗರದ ಎಸ್ಎಸ್ಬಿ ಅಪಾರ್ಟ್ಮೆಂಟ್ನಲ್ಲಿ ಕಾವಲುಗಾರರಾಗಿದ್ದರು.