ಪಟ್ಟಣಂತಿಟ್ಟ, ನ 06 (DaijiworldNews/DB): ಮೂರೂವರೆ ದಶಕದ ಹಿಂದೆ ರಬ್ಬರ್ ಶೀಟ್ ಕಳವುಗೈದು ತಲೆಮರೆಸಿಕೊಂಡ ಆರೋಪಿ ಕೊನೆಗೂ ಪೊಲೀಸರ ಬಲೆಗೆ ಬಿದ್ದ ಘಟನೆ ಕೇರಳದಲ್ಲಿ ನಡೆದಿದೆ.
ಪೊಡಿಯನ್ ಬಂಧಿತ ಆರೋಪಿ. ಈತ ದಕ್ಷಿಣ ಕೇರಳ ಜಿಲ್ಲೆಯ ವೆಚೂಚಿರಾ ಗ್ರಾಮದಿಂದ 37 ವರ್ಷಗಳ ಹಿಂದೆ 1985ರಲ್ಲಿ ರಬ್ಬರ್ ಶೀಟ್ನ್ನು ಕಳವುಗೈದಿದ್ದ. ಬಳಿಕ ಸಮೀಪದ ಕಾಡಿನಲ್ಲಿ ತಲೆಮರೆಸಿಕೊಂಡಿದ್ದ. ಈತನ ಸುಳಿವು ಯಾರಿಗೂ ಸಿಕ್ಕಿರಲಿಲ್ಲ. ಮೊಬೈಲ್ ಆಗಲೀ, ಇತರ ಸಂಪರ್ಕ ಸಾಧನಗಳಿಲ್ಲದ ಕಾರಣ ಆತ ಸಂಬಂಧಿಕರ ಸಂಪರ್ಕದಲ್ಲಿಯೂ ಇರಲಿಲ್ಲ. ಹೀಗಾಗಿ ಆತನ ಪತ್ತೆ ಸಾಧ್ಯವಾಗಿರಲಿಲ್ಲ.
ಇದೀಗ ಪೋತುಪಾರ ಅರಣ್ಯದಲ್ಲಿ ತಲೆಮರೆಸಿಕೊಂಡಿರುವ ಸುಳಿವು ದೊರೆತ ಹಿನ್ನೆಲೆಯಲ್ಲಿ ವೆಚೂಚಿರಾ ಪೊಲೀಸರ ತಂಡವು ಕಾರ್ಯಾಚರಣೆ ನಡೆಸಿ ಆರೋಪಿಯನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.