National
ಮಾವುತನ ಪಕ್ಕ ನಿಂತು ಮೊಬೈಲ್ ನೋಡಿದ ಆನೆ!-ವೀಡಿಯೋ ವೈರಲ್
- Thu, Nov 03 2022 01:26:05 PM
-
ಕುಂಭಕೋಣಂ, ನ 03 (DaijiworldNews/DB): ಸ್ಮಾರ್ಟ್‌ಫೋನ್‌ಗೆ ಇತ್ತೀಚಿನ ದಿನಗಳಲ್ಲಿ ಮನುಷ್ಯರೆಲ್ಲಾ ಎಡಿಕ್ಟ್ ಆಗಿದ್ದಾರೆ. ಸಾಕುಪ್ರಾಣಿಗಳೂ ಮನುಷ್ಯರೊಂದಿಗೆ ಸೇರಿ ಸ್ಮಾರ್ಟ್‌ಫೋನ್ ವೀಕ್ಷಿಸುತ್ತಿರುವ ಫನ್ನೀ ವೀಡಿಯೋಗಳು ವೈರಲ್ ಆಗುತ್ತಿರುತ್ತವೆ. ಇದೀಗ ಆನೆ ಸರದಿ. ಆನೆಯೊಂದು ಮಾವುತನ ಸ್ಮಾರ್ಟ್‌ಫೋನ್‌ನ್ನು ಕದ್ದು ಕದ್ದು ನೋಡುತ್ತಿರುವ ವೀಡಿಯೋ ವೈರಲ್ ಆಗಿದೆ.
ವೈರಲ್ ಆಗಿರುವ ವೀಡಿಯೋ ಕೇರಳದ ಕುಂಭಕೋಣಂನಲ್ಲಿರುವ ಶ್ರೀ ಕುಂಭೀಶ್ವರ ಸ್ವಾಮಿ ದೇವಸ್ಥಾನದ ಆವರಣದಲ್ಲಿನದು ಎಂದು ಹೇಳಲಾಗುತ್ತಿದೆ. ವಿಶ್ರಾಂತಿಯ ಸಮಯದಲ್ಲಿ ಮಾವುತ ದೇವಳದ ಆವರಣದಲ್ಲಿ ಕುಳಿತು ತನ್ನ ಸ್ಮಾರ್ಟ್‌ಫೋನ್‌ನ್ನು ನೋಡುತ್ತಿದ್ದಾರೆ.
ಈ ವೇಳೆ ಮಾವುತನ ಪಕ್ಕದಲ್ಲೇ ಇದ್ದ ಆನೆ ಆತನ ತೀರಾ ಸನಿಹಕ್ಕೆ ಬಂದು ಸ್ಮಾರ್ಟ್‌ಫೋನ್‌ನತ್ತ ಇಣುಕುತ್ತಿರುವ ದೃಶ್ಯ ವೀಡಿಯೋದಲ್ಲಿ ಸೆರೆಯಾಗಿದೆ. ನಿಂತಿರುವುದರಿಂದ ಸರಿಯಾಗಿ ನೋಡಲು ಸಾಧ್ಯವಾಗದೇ ಕೆಳಕ್ಕೆ ಬಾಗಿ ಮೊಬೈಲ್ ನೋಡಲು ಆನೆ ಪ್ರಯತ್ನಿಸುತ್ತಿರುವ ದೃಶ್ಯವಿದೆ.
ಚಾನಲ್ ಫಾಲೋ ಮಾಡಿ
