ಮಸ್ಕ್‌ ನೀಡಿದ ಕೆಲಸದ ಅವಧಿ ಪೂರೈಸಲು ಹೆಣಗಾಟ-ಕಚೇರಿಯಲ್ಲೇ ಮಲಗುತ್ತಿರುವ ಸಿಬಂದಿ!

•   Thu, Nov 03 2022 11:31:05 AM



• ನವದೆಹಲಿ, ನ 03 (DaijiworldNews/DB): ಟ್ವಿಟರ್‌ನ್ನು ಎಲಾನ್ ಮಸ್ಕ್ ಖರೀದಿಸಿದ ಬಳಿಕ ಸಂಸ್ಥೆಯಲ್ಲಿ ಹೊಸ ನಿಯಮಗಳು ಜಾರಿಗೊಂಡರೆ ಇತ್ತ ಕೆಲಸದ ಗಡುವು ಪೂರೈಸಲು ಉದ್ಯೋಗಿಗಳೂ ಹರಸಾಹಸ ಪಡುತ್ತಿದ್ದಾರೆ. ಕಂಪೆನಿ ಕಚೇರಿಯಲ್ಲೇ ಉದ್ಯೋಗಿಗಳು ಮಲಗಿದ್ದಾರೆ ಎನ್ನಲಾದ ಫೋಟೋಗಳೂ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ.

  ಟ್ವಿಟರ್‌ ಕಚೇರಿಯ ಬಾಸ್‌ ನೆಲದ ಮೇಲೆ ಮಲಗಿ ನಿದ್ರಿಸುತ್ತಿರುವ ಫೋಟೋವನ್ನು ಟ್ವಿಟರ್ ಸ್ಪೇಸ್‌ಗಳ ಉತ್ಪನ್ನ ನಿರ್ವಾಹಕ ಇವಾನ್ ಜೋನ್ಸ್ ಎನ್ನುವವರು ಟ್ವಿಟರ್‌ನಲ್ಲಿ ಪ್ರಕಟಿಸಿದ್ದಾರೆ. ಇದು ಟ್ವಿಟರ್‌ನಲ್ಲಿ ಉತ್ಪನ್ನ ನಿರ್ವಹಣೆಯ ನಿರ್ದೇಶಕ ಎಸ್ತರ್ ಕ್ರಾಫೋರ್ಡ್ ಅವರ ಫೋಟೋ ಎಂದು ಹೇಳಲಾಗುತ್ತಿದೆ.

  ಇನ್ನು ಟ್ವಿಟರ್‌ನ ಹೊಸ ಮಾಲಕ ಎಲಾನ್ ಮಸ್ಕ್ ನೀಡಿರುವ ಕೆಲಸ ಪೂರೈಸಲು ಟ್ವಿಟರ್‌ ಮ್ಯಾನೇಜರ್‌ಗಳು ಸಿಬಂದಿಗೆ ವಾರವಿಡೀ ಕೆಲಸ ಮಾಡಲು ಸೂಚಿಸುತ್ತಿದ್ದಾರೆ. ಅಲ್ಲದೆ ದಿನಕ್ಕೆ 12 ಗಂಟೆ ಕೆಲಸ ನಿರ್ವಹಿಸುವಂತೆ ಒತ್ತಡ ಹಾಕಲಾಗುತ್ತಿದೆ ಎಂದೂ ಹೇಳಲಾಗುತ್ತಿದೆ. ಅಲ್ಲದೆ ಇಷ್ಟು ಅವಧಿ ಕೆಲಸ ಮಾಡದಿದ್ದರೆ ಉದ್ಯೋಗಿಗಳನ್ನು ಕೆಲಸದಿಂದಲೇ ತೆಗೆದು ಹಾಕಲಾಗುವುದೆಂಬ ಬೆದರಿಕೆಯನ್ನೂ ಒಡ್ಡುತ್ತಿದ್ದಾರೆ ಎನ್ನಲಾಗುತ್ತಿದೆ. ಅಧಿ ಅವಧಿಯ ಕೆಲಸ ಮಾಡಿದ್ದಕ್ಕೆ ವೇತನ, ಪರಿಹಾರದ ಸಮಯ ಅಥವಾ ಉದ್ಯೋಗ ಭದ್ರತೆಯ ಸಂಬಂಧಪಟ್ಟಂತೆ ಯಾವುದೇ ರೀತಿಯ ಚರ್ಚೆಗಳನ್ನು ನಡೆಸದೆಯೇ ಈ ಸೂಚನೆಗಳನ್ನು ನೀಡಲಾಗಿದೆ ಎಂದು ವರದಿ ತಿಳಿಸಿದೆ.

  When you need something from your boss at elon twitter pic.twitter.com/hfArXl5NiL

  — evan (@evanstnlyjones) November 2, 2022