ನವದೆಹಲಿ, ನ 02 (DaijiworldNews/HR): ಖ್ಯಾತ ಮಹಿಳಾ ಹಕ್ಕುಗಳ ಹೋರಾಟಗಾರ್ತಿ, ಸ್ವಯಂ ಉದ್ಯೋಗಿ ಮಹಿಳಾ ಸಂಘದ (ಸೇವಾ) ಸ್ಥಾಪಕಿ ಮತ್ತು ಪದ್ಮಭೂಷಣ ಪುರಸ್ಕೃತೆ ಇಳಾ ಭಟ್(89 ) ಅವರು ನಿಧನರಾಗಿದ್ದಾರೆ.
ಇಳಾ ಭಟ್ ಪ್ರಸಿದ್ಧ ಗಾಂಧಿವಾದಿಯಾಗಿದ್ದು, ಮಹಿಳೆಯರ ಆರ್ಥಿಕ ಸಬಲೀಕರಣವನ್ನ ಪ್ರತಿಪಾದಿಸಿದರು. ಅವರು ಭಾರತದಲ್ಲಿ ಸ್ವಯಂ ಉದ್ಯೋಗಿ ಮಹಿಳೆಯರ ಸಂಘವನ್ನ (ಸೇವಾ) ಸ್ಥಾಪಿಸಿದರು ಮತ್ತು ಮುನ್ನಡೆಸಿದರು.
ಇನ್ನು 1973 ರಲ್ಲಿ ಭಾರತದ ಮೊದಲ ಮಹಿಳಾ ಬ್ಯಾಂಕ್, ಸಹಕಾರಿ ಬ್ಯಾಂಕ್ ಆಫ್ ಸೇವಾವನ್ನ ಸ್ಥಾಪಿಸಿದ್ದು, ಅವರು 1979ರಲ್ಲಿ ಮಹಿಳಾ ವಿಶ್ವ ಬ್ಯಾಂಕಿಂಗ್ ಸಹ-ಸ್ಥಾಪಿಸಿದ್ದಾರೆ.
ಇಳಾ ಭಟ್ ಅವರಿಗೆ 1977 ರಲ್ಲಿ ರಾಮನ್ ಮ್ಯಾಗ್ಸೆಸೆ ಪ್ರಶಸ್ತಿ, 1986 ರಲ್ಲಿ ರೈಟ್ ಲೈವ್ಲಿಹುಡ್ ಪ್ರಶಸ್ತಿ ಮತ್ತು ಪದ್ಮ ಭೂಷಣ ಪ್ರಶಸ್ತಿಗಳನ್ನು ನೀಡಲಾಗಿದೆ. 1958ರಲ್ಲಿ ಪದ್ಮಶ್ರೀ ಮತ್ತು 1986ರಲ್ಲಿ ಮೂರನೇ ಅತ್ಯುನ್ನತ ನಾಗರಿಕ ಗೌರವವಾದ ಪದ್ಮ ಭೂಷಣವನ್ನ ಪಡೆದರು. ಉದ್ಯಮಶೀಲತೆಯ ಮೂಲಕ ಮಹಿಳೆಯರನ್ನ ಸಬಲೀಕರಣಗೊಳಿಸುವ ಅವರ ಪ್ರಯತ್ನಗಳಿಗಾಗಿ ಅವರು 2011ರಲ್ಲಿ ಗಾಂಧಿ ಶಾಂತಿ ಪ್ರಶಸ್ತಿಯನ್ನ ಪಡೆದಿದ್ದಾರೆ.