ನವದೆಹಲಿ, ಅ 31 (DaijiworldNews/HR): ಸೆಲೆಬ್ರಿಟಿಗಳ ಸಿನಿಮಾಕ್ಕಿದ್ದ ಬಾಯ್ಕಾಟ್ ಟ್ರೆಂಡ್ ಇದೀಗ ಚಾಕ್ಲೇಟ್ಗೂ ಹಬ್ಬಿದ್ದು, ಟ್ವಿಟರ್ನಲ್ಲಿ #ಬಾಯ್ಕಾಟ್ ಕ್ಯಾಡ್ಬರಿ ಟ್ರೆಂಡ್ ಶುರುವಾಗಿದೆ.
ಕ್ಯಾಡ್ಬರಿ ಕಂಪೆನಿಯು ದೀಪಾವಳಿ ಜಾಹೀರಾತನ್ನು ಮಾಡಿದ್ದು, ಇದರಲ್ಲಿ ಬಡವನೊಬ್ಬ ದೀಪವನ್ನು ಮಾರುವ ದೃಶ್ಯವಿತ್ತು. ದೀಪವನ್ನು ಮಾರುವ ವ್ಯಕ್ತಿಯ ಹೆಸರು ದಾಮೋದರ್ ಆಗಿತ್ತು. ಇದನ್ನೇ ಇಟ್ಟುಕೊಂಡು ವಿಹೆಚ್ಪಿ ನಾಯಕಿ ಸಾಧ್ವಿ ಪ್ರಾಚಿ ಮೋದಿ ಅವರ ತಂದೆಯ ಹೆಸರು ದಾಮೋದರ್. ಈ ಜಾಹೀರಾತಿನಲ್ಲಿ ಅವರನ್ನು ಲೇವಡಿ ಮಾಡಿ ತೋರಿಸುವುದಕ್ಕೆ ಈ ರೀತಿಯಾಗಿ ತೋರಿಸಲಾಗಿದೆ ಎಂದು ಆಕ್ಷೇಪ ವ್ಯಕ್ತಪಡಿಸಿರುವ ಬೆನ್ನಲ್ಲೇ ಬಾಯ್ಕಾಟ್ ಕ್ಯಾಡ್ಬರಿ ಟ್ರೆಂಡ್ ಶುರುವಾಗಿದೆ.
ಇನ್ನು ಬಾಯ್ಕಾಟ್ ಟ್ರೆಂಡ್ ಶುರು ಮಾಡಿದವರಲ್ಲಿ ಕೆಲವರು ಆಸ್ಟ್ರೇಲಿಯಾ ಕ್ಯಾಡ್ಬರಿ ವೈಬ್ ಸೈಟ್ ನ ಸ್ಕ್ರೀನ್ ಶಾಟ್ ಫೋಟೋವನ್ನು ಹಂಚಿಕೊಂಡಿದ್ದು, ಅದರಲ್ಲಿ ಕ್ಯಾಡ್ಬರಿ ಉತ್ಪನ್ನಗಳಲ್ಲಿ ಜೆಲಾಟಿನ್ ಇದ್ದರೆ ಅದು ಹಲಾಲ್ ಪ್ರಮಾಣೀಕೃತ ಮತ್ತು ಅದನ್ನು ಗೋಮಾಂಸದಿಂದ ಪಡೆಯಲಾಗಿದೆ ಎಂದು ಬರೆದಿರುವುದರಿಂದ ಬಾಯ್ಕಾಟ್ ಅನ್ನು ಮತ್ತಷ್ಟು ಆಕ್ರೋಶಗೊಳ್ಳುವಂತೆ ಮಾಡಿದೆ.
2021ರಲ್ಲಿ ಕ್ಯಾಡ್ಬರಿ ನಾನ್ ವೆಜ್ ಎಂದು ಇದೇ ರೀತಿಯ ಬಾಯ್ಕಾಟ್ ಟ್ರೆಂಡ್ ಶುರು ಮಾಡಲಾಗಿದ್ದು, ಆಗ ಕಂಪೆನಿ ಭಾರತೀಯ ಕ್ಯಾಡ್ ಬರಿ ಉತ್ಪನ್ನ 100 % ಸಸ್ಯಹಾರಿ ಎಂದು ಸ್ಪಷ್ಟನೆ ನೀಡಿತ್ತು.