ಲೈಂಗಿಕ ದೌರ್ಜನ್ಯ ಪ್ರಕರಣ -'ಟು ಫಿಂಗರ್ ಟೇಸ್ಟ್' ನಿಷೇಧಿಸಿದ ಸುಪ್ರೀಂ

•   Mon, Oct 31 2022 12:57:07 PM



• ನವದೆಹಲಿ, ಅ 31 (DaijiworldNews/MS): ಅತ್ಯಾಚಾರ ಮತ್ತು ಲೈಂಗಿಕ ದೌರ್ಜನ್ಯದ ಆರೋಪ ಹೊತ್ತಿರುವ ಪ್ರಕರಣಗಳಲ್ಲಿ ಎರಡು ಬೆರಳಿನ ಪರೀಕ್ಷೆಯನ್ನು ನಡೆಸುವುದರ ವಿರುದ್ಧ ಸುಪ್ರೀಂ ಕೋರ್ಟ್ ಸೋಮವಾರ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದೆ. ಈ ಅವೈಜ್ಞಾನಿಕ ಆಕ್ರಮಣಕಾರಿ ಪರೀಕ್ಷೆಯ ವಿಧಾನವನ್ನು ನಡೆಸುತ್ತಿರುವವರ ವಿರುದ್ಧ ಕಾನೂನು ಕ್ರಮ ಜರುಗಿಸಬೇಕು ಎಂದು ಹೇಳಿದೆ.

  ಪರೀಕ್ಷೆಯು ಯಾವುದೇ ವೈಜ್ಞಾನಿಕ ಪುರಾವೆ ಹೊಂದಿಲ್ಲ ಎಂದಿರುವ ಕೋರ್ಟ್ ಅವೈಜ್ಞಾನಿಕ ಆಕ್ರಮಣಕಾರಿ ಪರೀಕ್ಷೆಯ ನಿರ್ಬಂದಕ್ಕೆ ಕೇಂದ್ರ ಮತ್ತು ರಾಜ್ಯಗಳಿಗೆ ನಿರ್ದೇಶಿಸಿದೆ. ಈ ಪರೀಕ್ಷೆಯು ಸಂತ್ರಸ್ತೆಗೆ ಮರು-ಆಘಾತಗೊಳಿಸುವಂತೆ ಮಾಡುತ್ತದೆ ಎಂದು ನ್ಯಾಯಾಲಯ ಹೇಳಿದೆ

  ಎರಡು ಬೆರಳುಗಳ ಪರೀಕ್ಷೆ" ನಡೆಸುವ ಯಾವುದೇ ವ್ಯಕ್ತಿಯನ್ನು ದುರ್ನಡತೆಯ ತಪ್ಪಿತಸ್ಥರೆಂದು ಪರಿಗಣಿಸಲಾಗುವುದು ಎಂದು ತೀರ್ಪು ನೀಡಿದೆ.

  " ಪ್ರಸ್ತುತ ಆಚರಣೆಯಲ್ಲಿರುವ ಎರಡು ಬೆರಳುಗಳ ಕನ್ಯತ್ವ ಪರೀಕ್ಷೆಯು ಅತ್ಯಾಚಾರ ಸಂತ್ರಸ್ತೆಯ ಖಾಸಗಿತನದ ಹಕ್ಕನ್ನು ಉಲ್ಲಂಘಿಸುತ್ತದೆ. ಲೈಂಗಿಕವಾಗಿ ಸಕ್ರಿಯವಾಗಿದ್ದರು ಎಂಬ ಕಾರಣ ತನ್ನ ಮೇಲೆ ಅತ್ಯಾಚಾರವೆಸಗಲಾಗಿದೆ ಎಂದು ಮಹಿಳೆ ಹೇಳಿದಾಗ ಅದು ನಂಬಿಕೆ ಅರ್ಹವಲ್ಲ ಅಥವಾ ಸುಳ್ಳು ಎಂದು ಸೂಚಿಸುವುದು ಪಿತೃಪ್ರಧಾನ ಮತ್ತು ಲೈಂಗಿಕತೆಯಾಗಿದೆ" ಎಂದು ಸುಪ್ರೀಂ ಕೋರ್ಟ್ ಹೇಳಿದೆ. ಮಹಿಳೆಯ ಹೇಳಿಕೆ ಆಕೆಯ ಲೈಂಗಿಕ ಇತಿಹಾಸದ ಮೇಲೆ ಅವಲಂಬಿತವಾಗಿರುವುದಿಲ್ಲ ಎಂದು ಹೇಳಿದ ಕೋರ್ಟ್ , " ಎರಡು ಬೆರಳಿನ ಪರೀಕ್ಷೆ" ನಡೆಸುವಂತಿಲ್ಲ ಎಂಬುವುದನ್ನು ಖಚಿತಪಡಿಸಿಕೊಳ್ಳಲು ನ್ಯಾಯಪೀಠವು ಕೇಂದ್ರ ಆರೋಗ್ಯ ಸಚಿವಾಲಯಕ್ಕೆ ನಿರ್ದೇಶನ ನೀಡಿದೆ.