2.3 ಅಡಿ ಎತ್ತರದ ಈ ವ್ಯಕ್ತಿಯ ಮದುವೆಗೆ ಪಿಎಂ ಮೋದಿ, ಸಿಎಂ ಯೋಗಿಗೆ ಆಹ್ವಾನ

•   Sun, Oct 30 2022 10:21:12 AM



• ಅಹಮದಾಬಾದ್, ಅ 30 (DaijiworldNews/DB): ಉತ್ತರಪ್ರದೇಶದ 2.3 ಅಡಿ ಕುಬ್ಜ ವ್ಯಕ್ತಿಯೊಬ್ಬರು ತಮ್ಮ ವಿವಾಹಕ್ಕೆ ಪ್ರಧಾನಿ ನರೇಂದ್ರ ಮೋದಿ ಹಾಗೂ ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರನ್ನು ಆಹ್ವಾನಿಸಿದ್ದಾರೆ.

  ಉತ್ತರ ಪ್ರದೇಶದ ಶಾಮ್ಲಿ ಜಿಲ್ಲೆಯ ನಿವಾಸಿ 2.3 ಅಡಿ ಎತ್ತರದ ವ್ಯಕ್ತಿ ಅಜೀಂ ಮನ್ಸೂರಿ ಅವರೇ ಪ್ರಧಾನಿ ಮತ್ತು ಮುಖ್ಯಮಂತ್ರಿಯವರನ್ನು ಮದುವೆಗೆ ಆಹ್ವಾನಿಸಿದವರು. ಅಜೀಂ ಮದುವೆ ಈ ನವೆಂಬರ್ 7ರಂದು ನಡೆಯಲಿದ್ದು, ತಮ್ಮ ಮದುವೆಯಲ್ಲಿ ಪ್ರಧಾನಿ ಮತ್ತು ಸಿಎಂ ಯೋಗಿ ಇರಲೇಬೇಕು ಎಂಬ ಆಕಾಂಕ್ಷೆ ವ್ಯಕ್ತಪಡಿಸಿದ್ದಾರೆ. ಪ್ರಧಾನಿಯವರನ್ನು ಆಮಂತ್ರಿಸುವ ಸಲುವಾಗಿ ಅಜೀಂ ದೆಹಲಿಗೆ ಹೋಗಲಿದ್ದಾರೆಯಂತೆ. ಅದೇ ರೀತಿ ಸಿಎಂ ಯೋಗಿಯವರನ್ನೂ ಮುಖತಾಃ ಭೇಟಿಯಾಗಿ ಆಹ್ವಾನಿಸುವುದಾಗಿ ಹೇಳಿದ್ದಾರೆ.

  ಹಲವು ವರ್ಷಗಳಿಂದ ತನಗೆ ಸೂಕ್ತವಾದ ವಧುವಿಗಾಗಿ ಹುಡುಕಾಡಿದ್ದೇನೆ. ಆದರೆ ಅವರ ಎತ್ತರಕ್ಕೆ ಸಮನಾದ ವಧು ಸಿಕ್ಕಿರಲಿಲ್ಲ. ಮದುವೆಯಾಗಲು ವಧು ಹುಡುಕಿಕೊಡುವಂತೆ ರಾಜಕಾರಣಿಗಳು, ಸರ್ಕಾರಿ ಅಧಿಕಾರಿಗಳನ್ನೂ ಭೇಟಿಯಾಗಿದ್ದಾರೆ. ಅಲ್ಲದೆ ಉತ್ತರ ಪ್ರದೇಶದ ಹಿಂದಿನ ಸಿಎಂ ಅಖಿಲೇಶ್ ಯಾದವ್ ಅವರನ್ನೂ ಸಂಪರ್ಕಿಸಿ ತಮ್ಮ ಇಂಗಿತವನ್ನು ಹೇಳಿಕೊಂಡಿದ್ದರು. ಹಲವು ಪ್ರಯತ್ನಗಳ ನಂತರ ಹಾಪುರದಲ್ಲಿ ಬುಷಾರಾ ಎಂಬ ಯುವತಿಯನ್ನು ನೋಡಿದ್ದು, ಇಬ್ಬರಿಗೂ ಒಪ್ಪಿಗೆಯಾಗಿ ಮದುವೆ ತನಕ ಬಂದು ನಿಂತಿದೆ.

  ಅಂದ ಹಾಗೆ ಅಜೀಂ ಅವರು ಬುಷಾರ ಅವರನ್ನು ಭೇಟಿಯಾಗಿದ್ದು 2021ರ ಮಾರ್ಚ್‌ನಲ್ಲಿ. ಪದವಿ ಪೂರೈಸಿರುವ ಬುಷಾರ 3 ಅಡಿ ಎತ್ತರವಿದ್ದು, ಅಜೀಂಗಿಂತ ಸ್ವಲ್ಪ ಎತ್ತರ ಹೆಚ್ಚು. ಭೇಟಿಯಾದ ಒಂದೇ ತಿಂಗಳಲ್ಲಿ ಅಂದರೆ 2021ರ ಎಪ್ರಿಲ್‌ನಲ್ಲಿ ಅಜೀಂ ಮತ್ತು ಬುಷಾರಾ ನಿಶ್ಚಿತಾರ್ಥ ನೆರವೇರಿದೆ. ಕಾಸ್ಮೆಟಿಕ್ ಅಂಗಡಿ ಹೊಂದಿರುವ ಅಜೀಂ ಮದುವೆಗೆಂದೇ ವಿಶೇಷ ಶೆರ್ವಾನಿ ಮತ್ತು ಸೂಟ್‌ನ್ನು ತಮ್ಮ ಕೈಯಾರೆ ಹಿಲಿಯಲಿದ್ದಾರೆ.