'ಬಿಜೆಪಿ ಟಿಕೆಟ್ ನೀಡಿದರೆ ಮಂಡಿಯಿಂದ ಸ್ಪರ್ಧಿಸಲು ಸಿದ್ಧ'-ಕಂಗನಾ ರಣಾವತ್

•   Sat, Oct 29 2022 04:47:46 PM



• ನವದೆಹಲಿ, ಅ 29 (DaijiworldNews/DB): ಬಿಜೆಪಿ ಟಿಕೆಟ್ ನೀಡಿದರೆ 2024ರ ಲೋಕಸಭಾ ಚುನಾವಣೆಯಲ್ಲಿ ಹಿಮಾಚಲ ಪ್ರದೇಶದ ಮಂಡಿಯಿಂದ ಸ್ಪರ್ಧಿಸಲು ಸಿದ್ಧ ಎಂದು ಬಾಲಿವುಡ್ ನಟಿ ಕಂಗನಾ ರಣಾವತ್ ಹೇಳಿದ್ದಾರೆ.

  ರಾಜಕೀಯ ಪ್ರವೇಶಿಸಿ ಸಾರ್ವಜನಿಕ ಸೇವೆ ಮಾಡಲು ನೀವು ಇಚ್ಚಿಸುವಿರಾ ಎಂದು ಖಾಸಗಿ ಮಾಧ್ಯಮವೊಂದರ ಸಂದರ್ಶನದಲ್ಲಿ ಕೇಳಿದ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಅವರು, ಸಾರ್ವಜನಿಕರು ನನ್ನ ಸ್ಪರ್ಧೆಗೆ ಒಲವು ವ್ಯಕ್ತಪಡಿಸಿದರೆ ಮತ್ತು ಬಿಜೆಪಿ ಟಿಕೆಟ್ ನೀಡಿದರೆ ರಾಜಕೀಯಕ್ಕೆ ಬರುವುದಕ್ಕೆ ಆಸಕ್ತಳಾಗಿದ್ದೇನೆ. 2024ರ ಲೋಕಸಭಾ ಚುನಾವಣೆಯಲ್ಲಿ ಹಿಮಾಚಲ ಪ್ರದೇಶದ ಮಂಡಿಯಿಂದ ಸ್ಪರ್ಧಿಸಲು ತಾನು ಸಿದ್ದಳಿದ್ದೇನೆ ಎಂದರು.

  ರಾಜಕೀಯ ಸಹಿತ ಎಲ್ಲ ಉತ್ತಮ ಕ್ಷೇತ್ರಗಳಲ್ಲಿ ಮುಕ್ತಳಾಗಿ ಭಾಗವಹಿಸುತ್ತೇನೆ. ಹಿಮಾಚಲ ಪ್ರದೇಶದ ಜನರು ಸೇವೆ ಸಲ್ಲಿಸಲು ಅವಕಾಶ ನೀಡಿದರೆ ಖುಷಿ ಪಡುತ್ತೇನೆ ಎಂದವರು ತಿಳಿಸಿದರು.