ಇಂದೋರ್, ಅ 29 (DaijiworldNews/DB): ಸ್ನೇಹಿತನ ಭೇಟಿಗೆಂದು 100 ಕಿ.ಮೀ. ದೂರದ ಇಂದೋರ್ಗೆ ಪ್ರಯಾಣಿಸಿದ ಮೂವರು ಸ್ನೇಹಿತೆಯರು ಆತ ಸಿಗಲಿಲ್ಲವೆಂದು ನೊಂದು ವಿಷ ಸೇವಿಸಿದ ಘಟನೆ ನಡೆದಿದೆ. ಘಟನೆಯಲ್ಲಿ ಇಬ್ಬರು ಬಾಲಕಿಯರು ಮೃತಪಟ್ಟಿದ್ದು, ಓರ್ವಳ ಸ್ಥಿತಿ ಗಂಭೀರವಾಗಿದೆ.
16 ವರ್ಷದ ವಿದ್ಯಾರ್ಥಿನಿಗೆ ಇಂದೋರ್ನಲ್ಲಿ ಸ್ನೇಹಿತನಿದ್ದು, ಕಳೆದ ಕೆಲವು ದಿನಗಳಿಂದ ಆತ ಆಕೆಯೊಂದಿಗೆ ಫೋನ್ನಲ್ಲಿ ಮಾತನಾಡುತ್ತಿರಲಿಲ್ಲ. ಇದರಿಂದ ಮನನೊಂದ ಆಕೆ ತನ್ನಿಬ್ಬರು ಸ್ನೇಹಿತೆಯರನ್ನು ಕರೆದುಕೊಂಡು ಸೀದಾ 100 ಕಿ.ಮೀ. ದೂರದ ಇಂದೋರ್ಗೆ ಪ್ರಯಾಣ ಬೆಳೆಸಿದ್ದಾಳೆ. ಅಲ್ಲಿ ಆತ ಸಿಗದೇ ಇದ್ದಲ್ಲಿ ವಿಷ ಸೇವಿಸುವ ನಿರ್ಧಾರ ಮಾಡಿ ಅಶ್ತಾ ಪಟ್ಟಣದಲ್ಲಿ ವಿಷವನ್ನು ಖರೀದಿಸಿದ್ದಾರೆ. ಬಳಿಕ ಸ್ನೇಹಿತನನ್ನು ಸಂಪರ್ಕಿಸಿ ಭವಾರ್ಕೌನ್ ಪ್ರದೇಶದ ಉದ್ಯಾನವನದಲ್ಲಿ ಆತನಿಗಾಗಿ ಕಾದಿದ್ದಾರೆ. ಆದರೆ ಆತ ಬಾರದೇ ಇದ್ದದ್ದರಿಂದ ನೊಂದು ಮೂವರೂ ವಿಷ ಸೇವಿಸಿದ್ದಾರೆ. ವಿಷ ಸೇವಿಸಿದ ಬಾಲಕಿಯರ ಪೈಕಿ ಇಬ್ಬರು ಮೃತಪಟ್ಟಿದ್ದು, ಇನ್ನೋರ್ವಳ ಸ್ಥಿತಿ ಗಂಭೀರವಾಗಿದೆ. ಎಂ.ವೈ. ಆಸ್ಪತ್ರೆಯಲ್ಲಿ ಆಕೆ ಚಿಕಿತ್ಸೆ ಪಡೆಯುತ್ತಿದ್ದಾಳೆ ಎಂದು ಹೆಚ್ಚುವರಿ ಸಹಾಯಕ ಪೊಲೀಸ್ಆಯುಕ್ತ ಪ್ರಶಾಂತ್ ಚೌಬೆ ತಿಳಿಸಿದ್ದಾರೆ.
ಬದುಕುಳಿದ ಬಾಲಕಿ ಜೊತೆ ವಿಚಾರಿಸಿದಾಗ ವಿಚಾರ ಬೆಳಕಿಗೆ ಬಂದಿದೆ. ಸ್ನೇಹಿತ ಬಾರದ್ದಕ್ಕೆ ಓರ್ವಳು ವಿಷ ಸೇವಿಸಿದರೆ, ಮನೆಯಲ್ಲಿ ಕಷ್ಟ ಇದೆ ಎನ್ನುವ ಕಾರಣಕ್ಕೆ ಇನ್ನೊಬ್ಬಳು ವಿಷ ತೆಗೆದುಕೊಂಡಿದ್ದಾಳೆ. ಇಬ್ಬರೂ ಆತ್ಮೀಯ ಸ್ನೇಹಿತೆಯರನ್ನು ಕಳೆದುಕೊಂಡ ದುಃಖದಲ್ಲಿ ತಾನೂ ವಿಷ ಸೇವಿಸಿರುವುದಾಗಿ ಆಕೆ ಹೇಳಿಕೊಂಡಿದ್ದಾಳೆ ಎಂದು ಪೊಲೀಸರು ತಿಳಿಸಿರುವುದಾಗಿ ವರದಿಯಾಗಿದೆ.