ನವದೆಹಲಿ, ಅ 29 (DaijiworldNews/DB): ವಿದೇಶಿ ವಿಶ್ವವಿದ್ಯಾನಿಲಯಗಳಿಂದ ಪಡೆದ ಆನ್ಲೈನ್ ಪಿಎಚ್ಡಿ ಅಸಿಂಧು. ಅದಕ್ಕೆ ಯಾವುದೇ ಮಾನ್ಯತೆ ಇರುವುದಿಲ್ಲ ಎಂದು ಯುಜಿಸಿ ಮಹತ್ವದ ಆದೇಶ ಹೊರಡಿಸಿದೆ.
ಎಜ್ಯುಟೆಕ್ ಕಂಪನಿಗಳು ವಿದೇಶಿ ವಿಶ್ವವಿದ್ಯಾಲಯಗಳ ಸಹಯೋಗದಲ್ಲಿ ಆನ್ಲೈನ್ ಪಿಎಚ್ಡಿ ಕೋರ್ಸ್ಗಳನ್ನು ನಡೆಸುತ್ತಿವೆ. ಆದರೆ ಇಂತಹ ಕೋರ್ಸ್ಗಳಿಂದ ಪಡೆದ ಪಿಎಚ್ಡಿ ಪದವಿಗಳನ್ನು ಮಾನ್ಯ ಮಾಡಲಾಗುವುದಿಲ್ಲ. ನಿಯಮ ಪ್ರಕಾರ ವಿದೇಶಿ ವಿವಿಗಳ ಪಿಎಚ್ಡಿ ಕೋರ್ಸ್ ಒದಗಿಸುವುದು ಅಸಾಧ್ಯ. ಹೀಗಾಗಿ ವಿದ್ಯಾರ್ಥಿಗಳು, ಭಾರತೀಯ ವಿವಿಗಳು ಹಾಗೂ ಶಿಕ್ಷಣ ಸಂಸ್ಥೆಗಳು ಆನ್ಲೈನ್ ಮೂಲಕ ನೀಡಲಾಗುವ ಪಿಎಚ್ಡಿ ಕೋರ್ಸ್ಗಳ ಬಗ್ಗೆ ಎಚ್ಚರಿಕೆ ವಹಿಸಬೇಕು ಎಂದು ಯುಜಿಸಿ ತಿಳಿಸಿದೆ.
ಉನ್ನತ ಶಿಕ್ಷಣ ಸಂಸ್ಥೆಗಳಿಗೆ ಎಂ.ಫಿಲ್ ಮತ್ತು ಪಿಎಚ್ಡಿ ಕೋರ್ಸ್ ಗೆ ಸಂಬಂಧಿಸಿದಂತೆ 2016ರಲ್ಲಿ ನಿಯಮಗಳನ್ನು ರೂಪಿಸಲಾಗಿದ್ದು, ಈ ನಿಯಮ ಹೊರತಾಗಿ ಪಡೆದ ಯಾವುದೇ ಪಿಎಚ್ಡಿಗಳು ಅಮಾನ್ಯ ಎಂದು ತಿಳಿಸಿದೆ.