ಬೆಂಗಳೂರು, ಅ 26 (DaijiworldNews/MS): ಹಿರಿ ಹಾಗೂ ಕಿರುತೆರೆಯೆ ನಟಿಯೊಬ್ಬರ ಅರೆನಗ್ನ ವಿಡಿಯೋ ಇಟ್ಟುಕೊಂಡು ಸಾಮಾಜಿಕ ಜಾಲತಾಣದಲ್ಲಿ ಹರಿಯಬಿಟ್ಟು ಮಾನಹಾನಿ ಮಾಡುತ್ತೇನೆ ಎಂದು ಬೆದರಿಸಿ, 30 ಲಕ್ಷ ರೂ.ಗೆ ಬೇಡಿಕೆಯಿಟ್ಟಿದ್ದ ನಟಿಯ ಮೇಕಪ್ ಮ್ಯಾನ್ ಮಹಾಂತೇಶ್ (37) ಎಂಬಾತ ಇದೀಗ ಈಶಾನ್ಯ ವಿಭಾಗದ ಸೆನ್ ಪೊಲೀಸರ ಅತಿಥಿಯಾಗಿದ್ದಾನೆ.
ಸಂತ್ರಸ್ತೆಗೆ ಆರೋಪಿ ದೂರದ ಸಂಬಂಧಿಯಾಗಿದ್ದು, ಆಕೆಗೆ ಮೇಕಪ್ ಮ್ಯಾನ್ ಕೂಡ ಆಗಿದ್ದ. ಹೀಗಾಗಿ ಆಕೆಯ ಬಗ್ಗೆ ಸಂಪೂರ್ಣ ಮಾಹಿತಿ ಪಡೆದುಕೊಂಡಿದ್ದ.
ನಗ್ನ ಹಾಗೂ ಅರೆನಗ್ನ ಚಿತ್ರಗಳು ನನ್ನ ಬಳಿಯಿವೆ ಎಂದು ನಟಿಗೆ ವಾಟ್ಸ್ಆಯಪ್ ಮೂಲಕ ಆರೋಪಿ ಸಂದೇಶ ಕಳುಹಿಸಿದ್ದ. ನನಗೆ ಬೇಡಿಕೆಯಷ್ಟು ಹಣ ನೀಡಬೇಕು. ಇಲ್ಲದಿದ್ದರೆ ಈ ಚಿತ್ರಗಳು ಹಾಗೂ ವಿಡಿಯೊಗಳನ್ನು ಹರಿಯಬಿಡುತ್ತೇನೆ ಎಂದು ಬೆದರಿಕೆ ಹಾಕಿದ್ದ. ಆರಂಭದಲ್ಲಿ ನಟಿ ಅದನ್ನು ನಂಬದೇ ನಿರ್ಲಕ್ಷ್ಯ ವಹಿಸಿದ್ದರು. ಅದಾದ ಕೆಲವೇ ದಿನಗಳ ಬಳಿಕ ಕೆಲವು ಅಶ್ಲೀಲ ವಿಡಿಯೊಗಳನ್ನು ಆರೋಪಿಯು ಅನಾಮಧೇಯ ನಂಬರ್ನಿಂದ ಕಳುಹಿಸಿದ್ದ. ಇದರಿಂದ ಹೆದರಿದ ನಟಿ ದೂರು
ದಾಖಲಿಸಿದ್ದರು.
ಸಂತ್ರಸ್ತ ನಟಿ ಆ್ಯಪ್ವೊಂದರಲ್ಲಿ ಖಾತೆ ತೆರೆದು, ತನ್ನ ಅರೆ ನಗ್ನ ವೀಡಿಯೋಗಳನ್ನು ಅಪ್ಲೋಡ್ ಮಾಡುತ್ತಿದ್ದರು. ಇಂತಹ ಲೈವ್ ಸ್ಟ್ರೀಮಿಂಗ್ ಆ್ಯಪ್ಗಳಲ್ಲಿ ಹಣ ಪಾವತಿಸಿ, ಸಬ್ಸ್ಕ್ರೈಬ್ ಮಾಡಿಕೊಂಡರೆ ಮಾತ್ರ ಕೆಲ ವೀಡಿಯೋಗಳನ್ನು ನೋಡಲು ಅವಕಾಶ ಇರುತ್ತದೆ. ಈ ಬಗ್ಗೆ ಆಕೆಯ ಕುಟುಂಬ ಸದಸ್ಯರಿಗೂ ಮಾಹಿತಿ ಇರಲಿಲ್ಲ. ಈ ಎಲ್ಲ ಮಾಹಿತಿಯನ್ನು ತಿಳಿದುಕೊಂಡ ಆರೋಪಿ, ಹೊಸ ಮೊಬೈಲ್ ನಂಬರ್ನಿಂದ ಸಂದೇಶ ಕಳುಹಿಸಿ, ತನ್ನ ಬಳಿ ನಿಮ್ಮ ನಗ್ನ ಮತ್ತು ಅರೆ ನಗ್ನ ವೀಡಿಯೋಗಳು ಇರುವುದಾಗಿ ತಿಳಿಸಿದ್ದಾನೆ. ಅಲ್ಲದೆ, ವೈರಲ್ ಮಾಡದಿರಲು 30 ಲಕ್ಷ ರೂ.ಗೆ ಬೇಡಿಕೆ ಇಟ್ಟಿದ್ದ. ಇದೀಗ ಈತನನ್ನು ಪೊಲೀಸರು ಬಂಧಿಸಿದ್ದಾರೆ.