'ಹಣೆಬರಹ ಸರಿಯಾಗಿದ್ದಿದ್ದರೆ 2013ರಲ್ಲಿ ಗೆದ್ದು ಸಿಎಂ ಆಗುತ್ತಿದ್ದೆ'-ಡಾ. ಜಿ. ಪರಮೇಶ್ವರ್

•   Mon, Oct 24 2022 12:50:28 PM



• ತುಮಕೂರು, ಅ 24 (DaijiworldNews/DB): ಹಣೆಬರಹ ಸರಿಯಾಗಿರುತ್ತಿದ್ದರೆ 2013ರ ಚುನಾವಣೆಯಲ್ಲಿ ಗೆದ್ದು ಮುಖ್ಯಮಂತ್ರಿ ಆಗುತ್ತಿದ್ದೆ ಎಂದು ಮಾಜಿ ಉಪ ಮುಖ್ಯಮಂತ್ರಿ ಡಾ. ಜಿ. ಪರಮೇಶ್ವರ್‍ ಹೇಳಿದ್ದಾರೆ.

  ಕೊರಟಗೆರೆ ತೋವಿನಕೆರೆಯಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಕೊರಟಗೆರೆ ಕ್ಷೇತ್ರದ ಜನರು ಎರಡು ಬಾರಿ ನನ್ನನ್ನು ಗೆಲ್ಲಿಸಿದ್ದಾರೆ. 2013ರಲ್ಲಿ ಮುಖ್ಯಮಂತ್ರಿಯಾಗುವ ಎಲ್ಲಾ ಅವಕಾಶಗಳೂ ನನಗಿತ್ತು. ಆದರೆ ಆಗ ಗೆಲುವು ಸಾಧ್ಯವಾಗದೇ ಆ ಅವಕಾಶವನ್ನು ಕಳೆದುಕೊಳ್ಳಬೇಕಾಯಿತು ಎಂದು ಬೇಸರ ವ್ಯಕ್ತಪಡಿಸಿದರು.

  ಮುಖ್ಯಮಂತ್ರಿಯಾಗುವ ಅದೃಷ್ಟ ನನ್ನ ಹಣೆಬರಹದಲ್ಲಿ ಇದ್ದಿರಲಿಲ್ಲ ಎನಿಸುತ್ತದೆ. ಹಾಗಾಗಿ ಆ ಅವಕಾಶ ಸಿಗಲಿಲ್ಲ. ಮುಂದೆ ಸಿಎಂ ಆಗುವ ಅವಕಾಶ ಸಿಗುತ್ತದೆಯೋ, ಇಲ್ಲವೋ ಗೊತ್ತಿಲ್ಲ ಎಂದರು.