ಸಹೋದರಿಗೆ ವಿಷಕಾರಿ ಕೀಟ ಕಚ್ಚಲು ಅಧಿಕಾರಿಗಳ ನಿರ್ಲಕ್ಷ ಕಾರಣ- ಧರಣಿ ಕುಳಿತ ಬಾಲಕ!

•   Fri, Oct 21 2022 01:02:45 PM



• ತೆಲಂಗಾಣ, ಅ 21 (DaijiworldNews/DB): ಸಹೋದರಿಗೆ ವಿಷಕಾರಿ ಕೀಟ ಕಚ್ಚಿ ಆಸ್ಪತ್ರೆಗೆ ದಾಖಲಾಗಬೇಕಾದ ಪರಿಸ್ಥಿತಿ ಬಂದಿದ್ದಕ್ಕೆ ಬಾಲಕನೊಬ್ಬ ಅಧಿಕಾರಿಗಳ ವಿರುದ್ದ ಧರಣಿ ಕುಳಿತ ಪ್ರಸಂಗ ತೆಲಂಗಾಣದಲ್ಲಿ ನಡೆದಿದೆ. ರಸ್ತೆ ಪಕ್ಕದ ಗಿಡಗಂಟಿಗಳನ್ನು ಕತ್ತರಿಸದೆ ಅಧಿಕಾರಿಗಳು ನಿರ್ಲಕ್ಷಿಸಿದ್ದೇ ಬಾಲಕನ ಕೋಪಕ್ಕೆ ಕಾರಣವಾಗಿದೆ.

  ತೆಲಂಗಾಣದ ಪೆದ್ದಪಲ್ಲಿ ಜಿಲ್ಲೆಯ ರಾಮಗೊಂಡಮ್ ಬಲ್ದಿಯಾದ ಎನ್ಟಿಪಿಸಿ ಗೌತಮಿ ನಗರ ಎಕ್ಸ್ ಸರ್ವಿಸ್ಮನ್ ಕಾಲೋನಿಯಲ್ಲಿ ಕೇಶವ ಎಂಬ ಹತ್ತು ವರ್ಷದ ಬಾಲಕ, 5ನೇ ತರಗತಿಯಲ್ಲಿ ವ್ಯಾಸಂಗ ಮಾಡುತ್ತಿರುವ ಆತನ ಸಹೋದರಿ ಜೊತೆ ಬೆಳಗ್ಗೆ ಜಾಗಿಂಗ್ ಮಾಡುತ್ತಿದ್ದ. ಈ ವೇಳೆ ಆಕೆಗೆ ವಿಷಕಾರಿ ಕೀಟ ಕಚ್ಚಿತ್ತು. ಇದರಿಂದ ಆಕೆ ಅಸ್ವಸ್ಥಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದಳು.

  ಇತ್ತ ರಸ್ತೆ ಪಕ್ಕದ ಗಿಡ ಗಂಟಿಗಳನ್ನು ಕತ್ತರಿಸದಿರುವುದೇ ತನ್ನ ಸಹೋದರಿಗೆ ವಿಷಕಾರಿ ಕೀಟ ಕಚ್ಚಲು ಕಾರಣ ಎಂದು ಅಧಿಕಾರಿಗಳ ವಿರುದ್ದ ಬಾಲಕ ಧರಣಿ ಕುಳಿತಿದ್ದಾನೆ. ಅಧಿಕಾರಿಗಳು ರಸ್ತೆ ಅಕ್ಕಪಕ್ಕದಲ್ಲಿರುವ ಗಿಡಗಂಟಿಗಳನ್ನು ಕತ್ತರಿಸುತ್ತಿಲ್ಲ. ಸಾರ್ವಜನಿಕರ ಜೀವನದ ಬಗ್ಗೆ ನಿರ್ಲಕ್ಷ್ಯ ವಹಿಸುತ್ತಿದ್ದಾರೆ ಎಂದು ಬಾಲಕ ಆರೋಪಿಸಿದ್ದಾನೆ.